This wonder bobo, Vinicius de Oliveira Júnior (São Gonçalo, Rio de Janeiro; 12/07/2000) na one of the promising young bobos for world of football. Vinicius, as him friends dey call am, made his debut as a professional in 2017 on May 13th wen him play for Flamengo against Atlético Mineiro. Him come later make appearances for Copa Libertadores and the South American Cup, and him score goals for those appearances.
E never finish oh, this bobo come still shine well well last year, wen him become the star of the South American U-17 Championship wey Brazil win for Chile, sotey na him score the highest number of goals for that tournament (7 goals) and naso dem give am most valuable player for that competition.
This bobo sabi dribble like Okocha, him fit put fear for Usain Bolt body if dey say make both of them run, him sabi finish work like Cristiano Ronaldo too. E no too tey before long throat catch plenty clubs on top Vinicius Jnr matter as him dey Flamengo and the Brazilian side’s youth set-ups.
— Real Madrid C.F. 🇬🇧🇺🇸 (@realmadriden) July 20, 2018
But na Real Madrid run go pay £38 million for this wonder boy in May 2017, so that him nogo slip their hands the way them take miss out on Neymar. E come be like say Madrid people been know say person like Ronaldo go soon comot the club too. You might be asking, why are they just unveiling him now since his signing was agreed in 2017. The koko be say, that time, he was 16 years old. And it’s against FIFA rules to transfer underaged players.
The initial agreement be say him go come Madrid for July 2019, but both clubs come later agree say Vinicius go come this summer instead.
Wen dey ask am how him feel to sign for Real Madrid, Na wetin Vinicius yarn be this:
I been get the opportunity to choose between top teams wey dey Europe, so na the very best amongst dem I choose to join. Na the best opportunity wey any player for this world fit get be this, and I go sacrifice anything to prove say I deserve to represent this kyn club.
With the way this boy dey ball, e sure me say him go fit stake better claim as person wey fit replace Ronaldo wey leave Real Madrid go Juventus for £105M.
Na him Career Path be this:
-Flamengo academy (2010-2017)
-Real Madrid (2018- )
This Na wetin him don win be this:
– South American U-17 Championship with Brazil (2017)
– Best player at the South American U-17 Championship (2017)
– Top goal scorer at the South American U-17 Championship (2017)
– Campeonato Carioca U-17 with Flamengo (2016)
– South American U-15 Championship with Brazil (2015)
– Copa Brasil U-15 with Flamengo (2015)
– Copa Guri U-14 with Flamengo (2014)
– Campeonato Carioca U-13 with Flamengo (2013)