Cole Palmer don show himself again as Chelsea knack Paris Saint-Germain 3-0 for MetLife Stadium take win the new era Club World Cup.
Chelsea fans full everywhere dey shout as Palmer score two sweet goals wey shut people mouth and show say Enzo Maresca plan dey work wella, na weytin hitvibz dey yan be dat.
Cole Palmer Brace Na Wetin Give Chelsea Dis Trophy
No be say di road smooth o. For group stage, Chelsea and PSG chop woto-woto for Brazilian teams hand but dem bounce back strong.
Na João Pedro dey ginger front, but na Palmer carry di wahala for head. Him first shot bounce for Lucas Beraldo body go corner, e be like warning.
PSG wan score? Marc Cucurella block di goal for last minute — dem no fit try am.
Na so Maresca plan come burst — Chelsea just dey press dem like say dem dey house.
Palmer first goal na Malo Gusto give am correct pass, di second one na wahala — di boy twist PSG defence scatter, then finish am clean, MetLife crowd no fit shout again.
“Enzo Maresca Dey Do Better Work” — Na Palmer Yarn Am
Palmer no stop for him brace o. E still package João Pedro better pass wey e use lob Donnarumma carry di last goal.
Anyhow wey PSG wan take disturb, Robert Sánchez stand gidigba, save Dembele and Vitinha chance back to back.
Maresca boys show say dem get liver till final whistle. João Neves red card na sign say PSG don vex tire.
Palmer talk am straight: “Dem dey doubt us, dem talk plenty rubbish say we no fit do am… but make I clear una, Enzo Maresca dey build correct thing for dis club.”
Di Club World competition don join di plenty cups wey Maresca dey stack for Blues cabinet. Di man sef talk say, “This cup go soon dey big pass Champions League one day.”
FIFA Club World Cup Awards
Top Goalscorer: Gonzalo García
Best Young Player: Desire Doué
Best Goalkeeper: Robert Sánchez
Best Player of di Tournament: Palmer
Di West London boys go rock dia special badge for four years — and dem ready collect more trophy.
Be the first to comment on "Cole Palmer: Chelsea baller yarn big secret about Maresca plan after Club World Cup win"