As NPFL 2025/26 season wan ready launch on Friday, August 22, na better gbas gbos dem wan serve fans like dis as Remo Stars vs Rivers United na di first big match we go jam for opening day.

Champion dem no dey rest, and this kain early wahala fit decide how season go go, na weytin hitvibz dey yan be dat.

Big Boys Showdown: Remo Stars vs Rivers United

This match no be small pikin play—na two of di most steady teams for Naija ball wey go face each other.

Remo dey carry champion belt enter, but Rivers dey always show say dem na senior men for this rivalry.

Remo vs Rivers: Di Beef Don Start Again

Even though na Remo carry last season title, Rivers United don dey control this fixture for some years now. Dem dey run tins and dem no dey fear anybody.

As dem wan knack again for this season opener, all eyes go dey. Dis one no be just ordinary match—na statement dem wan make.

Head-to-Head Tori (All Matches)

Total Matches – 11

Rivers United Win – 7

Draw – 3

Remo Stars Win – 1

For all their 11 jamz, Rivers United don collect am 7 times. Remo just manage win once. Three games na draw.

How E Don Be Before (Match by Match)

Rivers United 1–0 Remo Stars

Remo Stars 0–0 Rivers United

Remo Stars 2–1 Rivers United (na their only win)

Rivers United 2–0 Remo Stars

Rivers United 2–2 Remo Stars

Rivers United 1–0 Remo Stars

Remo Stars 1–1 Rivers United

Remo Stars 0–1 Rivers United

Rivers United 1–0 Remo Stars

Remo Stars 1–3 Rivers United

Rivers United 1–0 Remo Stars

Preseason (Eko Cup):

Remo Stars 0–3 Rivers United – Rivers just tear dem apart. Phillip Odubia score two, Ubong Friday add one.

2024/25 Season Recap

Remo Stars – The Champs

1st Place – 71 Points

Win: 22 | Draw: 5 | Loss: 11

Goals: 49 For | 31 Against

Coach Daniel Ogunmodede boys run things last season. Attack dey sharp, defense hold ground. Na dem win most matches. Pressure full ground to start dis new season well.

Rivers United – Always Dey Chase

2nd Place – 64 Points

Win: 18 | Draw: 10 | Loss: 10

Goals: 35 For | 29 Against

Dem hold tight for back but wahala dey score goals. Still, dem no too far from Remo—just six points.

Wetin We Go Expect This Time from Remo Stars vs Rivers United

Remo Stars wan break Rivers United juju—dem don only beat dem once for 11 tries.

Rivers get upper hand psychologically—last six matches dem no chop loss from Remo. Even preseason dem wipe Remo 3–0.

But Remo dey house, and dem go carry champion ginger come.

This game fit swing anyhow, but one thing sure: gbege go full ground. Tension go high, drama go plenty, and result fit set the mood for di whole season.

Prediction:

Remo Stars 1–1 Rivers United

If Rivers control midfield from kickoff, Remo fit suffer. But if the homeboys use champion spirit play ball, dem fit finally turn this rivalry around.

One thing sure—entertainment no go yakpa for this Remo Stars vs Rivers United clash.

You like this gist abi?
Oya, we go like hear from you. Help us drop small comment for the box below!