Victor Osimhen show pepper again on Saturday evening as he knack two goals to help Galatasaray waya Antalyaspor 4-2. This win conform say na dem get the 2025/26 Turkish Super Lig title, and dem celebrate am well for front of dia fans for RAMS Park.
The Naija striker show say he be Senior Man for the Yellow-Reds as dem carry dia historic 26th league trophy and continue to show say na dem be oga for Turkish football, na weytin hitvibz dey yan be dat.
Victor Osimhen Ginger Galatasaray to Carry Historic Turkish Super Lig Trophy
Galatasaray finish matchday 33 with four points gap pass Fenerbahçe way follow dem for back, after dem give Antalyaspor better beating.
Osimhen two goals, plus the ones way Mario Lemina and Kaan Ayhan score, make sure say Okan Buruk side celebrate another successful season.
The Lions end the season with 24 wins, five draws, and three losses from 33 matches, as dem finish for top again.
This one mean say Galatasaray don carry the league four times back-to-back under Buruk, and dem don match the club record for consecutive championships.
With this win, Galatasaray don get 26 league titles, way be seven more than Fenerbahçe and 10 more than Beşiktaş. The Istanbul giants go also show face for UEFA Champions League next season.
As he dey follow club media talk after the match, Osimhen hail the team spirit after the tough game against Antalyaspor.
“Antalyaspor try for us this evening, but na Galatasaray we be. We suppose fit win this kind matches. We don become champions tonight. Our body dey sweet us well well.”
Victor Osimhen Give Dem Warning Ahead of Next Season
The Super Eagles striker later celebrate with fans for one emotional Instagram Live session. For there, he talk about how he take struggle come back quick after him surgery.
“When I do surgery, even look, make I show una… Look my arm… I tell the hospital people say make dem hurry up because e go boring if another person carry the trophy. Dem no even sabi celebrate like us!”
Osimhen also clear am say Galatasaray don already set eye for next season to defend dia title.
“I don talk am before: na we be the best! We don talk am many times. Next year, we go come back with the same hunger! Una no fit do anything.”
The Naija star continue him celebration as he send strong message go give dia rivals.
“Next season, we dey come again. We dey on the way. Istanbul na our own. Na we, na we, na we. We go handle am. I promise una. Una just dey try. Make una continue to dey try!”
With this latest win, Victor Osimhen don join Joseph Yobo as Naija players way don win Turkish Super Lig pass—the two of dem don carry am twice.
Henry Onyekuru, Emmanuel Emenike, and Anthony Nwakaeme all get one Turkish league title each.
Osimhen carry Galatasaray for back throughout the season with better performance.
The Naija striker score 15 league goals and give 5 assists, way make am 20 goal involvements for the league.
He also show him power for UEFA Champions League, where he score 7 goals and 1 assist. All together for the season, he get hand for 28 goals for all competitions.
You like this gist abi?
Oya, we go like hear from you. Help us drop small comment for the box below!
Last Updated on May 10, 2026 9:16 am by Hitvibz Media
“Una no fit do pim” — Victor Osimhen promise more shege for rivals after Galatasaray win 26th league title
Stay connected