Post Views: 21

Naija forward Ede Oloko don turn to person wey dem no fit stop for Latvian Virsliga after he wire four goals take help FK Tukums 2000 wound Ogre United for house on Friday evening.

 

Ede Oloko celebrates four goals for FK Tukums

After he just finish to score him first career hat-trick for Europe for that 3-3 draw against Riga FC, the Nigerian striker come again with another fire performance, na weytin hitvibz dey yan be dat.

Ede Oloko Continue Him Hot Scoring Form for FK Tukums

He grab him second career hat-trick and add one more join am take show say he be real ruthless goal-machine.

The 25-year-old boy show dem say he get liver, as he open floor with the first goal before he come complete the rest for second half.

Na so the match take end 6-1 for Tukuma pilsētas stadions as the home fans dey jolly.

  Super Eagles star Sadiq Umar shine again as Valencia fight back to hook Mallorca for neck

Ede Oloko scores hat-trick for FK Tukums against Ogre United

As e stand so, Oloko don score for four straight matches for Tukums. He don score against BFC Daugavpils and Auda, he score two against FK Jelgava, and now he don burst net four times against Ogre United.

The guy don score 11 goals inside just seven matches since he land Latvia.

Oloko Score Four as FK Tukums Scatter Ogre United

FK Tukums start the match with ginger, and na Oloko start the scoring for 35th minute with better header after Bogdans Samoilovs cross free-kick give am.

  Chidozie Awaziem: Heartbreak for Super Eagles Baller as Nantes Fall Enter Ligue 2

Six minutes later, Leoni Gastaldelo double the lead, and the match enter halftime for 2-0.

Ruslans Deruzinskis make am 3-0 for 68th minute before Oloko come take over the whole show for the dying minutes.

Even though he miss one clear chance before, the Naija boy still score him second goal for 79th minute as he use him weak foot wire the ball enter corner.

Nigerian striker Ede Oloko shines in Latvian Virsliga

Before person go talk wetin dey sup, Oloko don fire two more goals for added time take finish him four-goal show.

Shun Shibata and Rene Baumanis give am the assists as Tukums finish the 6-1 win with style.

  Daniel Job score solid goal again as Kongsvinger wire Raufoss to maintain beta start

But despite this big win, Oloko and him team still dey 7th for the table, just one point above relegation zone.

You like this gist abi?
Oya, we go like hear from you. Help us drop small comment for the box below!

Last Updated on May 9, 2026 11:35 am by Hitvibz Media