Naija striker Emeka Eze no waste time show say him sabi ball, as e don fire him first goal for him new club Corum FK.
The goal land inside their 3-0 waya wey dem give Adana Demirspor for their backyard on Saturday evening, na weytin hitvibz dey yan be dat.
Emeka Eze Knack First Goal and Early Impact for Turkey
Dia match na for TFF 1. Lig Round 2, and Corum no even gree play like away team for Yeni Adana Stadyumu. Dem just scatter everywhere.
Bros no even do pass. Just 37 minutes, Emeka Eze don burst net with left leg shot wey land for middle post. Na Yusuf Erdogan package the assist give am.
The 28-year-old baller don already get two goal contributions inside him first two games.
First match, e dish one correct assist as Corum knack Amed Sportif 2-0. Now na goal. Guy dey collect stat back-to-back like say na free promo.
After Eze don open the floor, na that same Yusuf Erdogan double the yawa seven minutes later.
Before halftime, Demirspor don dey look themselves like “who send us come?”.
Second half, Corum still dey hot. For 78th minute, Atakan Akkaynak nail the final coffin. 3-0, game over.
Demirspor no even see road again. The Red Lightning just dey shine anyhow.
Wetin Dey Next for Emeka Eze and Corum?
As e be now, Corum dey high on confidence, momentum don carry dem. Next stop na Sariyer, and dem dey ready to run am again.
For Emeka Eze, this fast start don already make am one of the players wey everybody go dey watch this season for Turkey TFF First League.
If e continue like this, defenders go dey see am for dream.
You like this gist abi?
Oya, we go like hear from you. Help us drop small comment for the box below!
Last Updated on August 17, 2025 7:51 am by Hitvibz Media
Stay connected