Post Views: 32

Samuel Adeniran don start the new Austrian Bundesliga season the same way wey e finish last campaign, as the Nigerian striker score two goals wey help di reigning champions LASK beat Grazer AK 3-0 for their opening league match on Friday.

Samuel Adeniran scores brace as LASK beat Grazer AK

If anybody dey wonder whether Die Schwarz-Weißen fit continue from where dem stop last season, Adeniran don kuku answer dem sharp-sharp, na weytin Hitvibz dey yan be dat.

Samuel Adeniran carry LASK title defence waka begin with brace

The Nigerian forward open scoring for the home side in the 20th minute after di Black-and-Whites control the game from the blast of the whistle.

Before Grazer recover from the first goal, Adeniran score again from the penalty spot in the 29th minute to give Die Schwarz-Weißen comfortable 2-0 lead before halftime.

Na only small luck stop the former Nigeria youth international from carrying home the match ball.

  Frank Onyeka assist help Coventry enjoy dia title party as Sky Blues silence Wrexham

Samuel Adeniran in action for LASK during Austrian Bundesliga opener

The striker continue to trouble Grazer defenders and nearly complete him hat-trick before coach remove am in the 67th minute for fellow Nigerian winger Moses Usor.

Christoph Lang later add the third goal in the 79th minute as di Black-and-Whites seal di convincing 3-0 victory to begin their Bundesliga title defence with all three points plus clean sheet.

Adeniran continue where e stop for LASK

This brace now don show say di naija baller no get plans to slow down after the unforgettable 2025/26 season.

  Daniel Job score solid goal again as Kongsvinger wire Raufoss to maintain beta start

Last campaign, em score 10 goals and provide five assists in 30 appearances across all competitions to finish as Die Schwarz-Weißen second highest goalscorer with 15 goal contributions.

Na him quality help Schwarz-Weißen end their 61-year wait for Austrian Bundesliga title before dem still carry the ÖFB Cup complete historic domestic double.

Adeniran even score for the final league game against Austria Wien wey seal the championship for di Black-and-Whites, making am one of the club’s biggest heroes during the historic campaign.

Samuel Adeniran leads LASK title defence with two goals

Now, the 26-year-old don start the new season with another outstanding performance.

As em don score two goals already inside the first league match, Adeniran don send strong warning to every defender for Austria say e dey ready to fight for another successful season.

  Friday Etim continue em hot scoring form as e score another 2 goals for Midtjylland to beat Odense
You like this gist abi?
Oya, we go like hear from you. Help us drop small comment for the box below!

Last Updated on August 1, 2026 7:02 am by Hitvibz Media