Na like say the Super Falcons babe don turn goal machine for Denmark. Joy Omewa dey fire anyhow for Fortuna Hjørring — na she be the engine wey dey drive their attack for Danish Women’s League.

My people, make una hear word — this Joy matter don pass ordinary o! E don dey turn to juju something 😂😁

Joy Omewa Don Burst Net Again as Fortuna Escape with Late Draw

For their wahala 1–1 draw against FC Midtjylland, the 22-year-old Naija striker show say she no dey play, na weytin hitvibz dey yan be dat.

95th minute, match don nearly finish, she burst net give her team one crucial point. You fit call am “last-minute joy”, literally!

Na her 10th straight goal for league — omo, the babe dey hot like generator wey no dey off. The kind form wey she dey now, even defenders go dey pray make coach bench am small.

She don carry 16 goals in 17 matches this season — 10 inside league, balance for Europe side. The girl no dey joke. E mean say she dey score like say dem dey pay her per goal.

Fortuna still dey second for table with 23 points from 11 games. But dem still dey seven points behind HB Koge wey dey run things for now. No wahala sha — with Joy for front, anything fit happen.

Week after week, the babe dey show calmness and confidence wey even veteran strikers go clap for. If we dey yarn European women football today, Joy name go dey the conversation.

From Fortuna Hero to Super Falcons Pride

The form no hide reach Naija, as coach no fit pretend say e no see am. Sharp sharp, she get her first Super Falcons call-up — debut come against Benin Amazons for Lomé.

Even though she no score, she scatter the pitch with energy, pace and ginger wey help Naija qualify for 2026 WAFCON for Morocco.

She no even need goal that day — her movement alone confuse defenders like person wey miss road.

Na 3–1 we take clear Benin for aggregate, and you fit trace part of that success go her side.

For club level, Joy na consistency herself. Every week she dey add new chapter to her highlight reel.

She dey score from angle wey no suppose possible, and she dey do am late for match like say na her signature move.

Season Breakdown (2024/25)

Danish Women’s League: 10 Goals, 1 Assist

Europa Women’s Cup: 2 Goals

UEFA Women’s Champions League Qualifiers: 4 Goals

Na so e be — Joy Omewa don turn real-life cheat code. If she continue like this, e go reach one stage wey dem go dey shout, “Na Joy we trust!” every weekend.

You like this gist abi?
Oya, we go like hear from you. Help us drop small comment for the box below!

Last Updated on November 5, 2025 9:32 am by Hitvibz Media