Michael Kayode don start him preseason waka wella as e carry one correct assist wey make Brentford knack QPR for one friendly game.
Di 21-year-old Naija defender sabi pass, as na him give di only goal wey happen as Brentford manage knack The Hoops 1-0 for Loftus Road on top Saturday evening.
Michael Kayode Assist Na Wetin The Bees Take Win
Kayode waka enter inside small, then drop one sweet left leg cross enter box, na there Nathan Collins sharply ghost enter back of The Hoops defense and use head direct am inside post.
Na di same day dem announce am as Di Bees new captain, Nathan Collins come score di main goal wey give dem di preseason win for West London derby.
Di center-back nod Kayode cross enter net just two minutes after kickoff, e header enter bottom corner wella.
Brentford Young Boys Run Show Well
Di away team, wey dey under Keith Andrews control, play correct ball take protect di lead and carry di win go house.
As Kayode don deliver one assist, him Naija padi and Super Eagles baller Frank Onyeka sef enter field for 76th minute come replace Fabio Carvalho to help close di game.
Make una remember say Onyeka, wey be 27 years, just return back to Premier League after one better loan season for Bundesliga side FC Augsburg, where e play 34 matches but only give two assists.
Kayode, wey also get just one assist from 12 matches last season, play 76 minutes before Jayden Meghoma enter to finish di game.
You like this gist abi?
Oya, we go like hear from you. Help us drop small comment for the box below!
Last Updated on August 3, 2025 1:08 pm by Hitvibz Media
Stay connected