Monday Etim no waste time show say him dey don ready for the new Danish league season. The Naija striker knack one better goal wey help Hillerød turn game around come beat Middelfart 2-1 for Saturday.
Di goal na him first for the season and e make sense wella, as e ginger the team back from behind for di Danish Betinia Liga opener wey happen for Helsingør Ny Stadion OPV, na weytin hitvibz dey yan be dat.
Monday Etim Equalise, Come Light Fire for Comeback
Di 26-year-old Naija baller no even waste time. Just 10 minutes after dem don collect one goal, Etim step up take cool penalty wey enter bottom right corner – 1-1.
Di goal wake the team up after dem start the match anyhow.
Before that one, one Albanian midfielder wey dem dey call Bardhec Bytyqi don put Middelfart ahead for 12th minute with one clean finish from centre of box wey fly enter net.
But Hillerød no gree. Etim carry the matter for head, convert the spot kick sharp.
Justinussen Come Seal Am for Second Half
After halftime, the home team still dey hot. For 67th minute, Adrian Justinussen pull one mad move, shoot ball from one k-leg angle – boom, top corner, 2-1.
Etim later comot for 80th minute, as Mathias Veltz enter to help lock the game.
Dem play eight minutes extra time but Hillerød boys stand gidigba hold the win.
Etim go wan continue from where e stop last season wey e score 11 goals plus 5 assists for 28 matches.
As e don start well like dis, e fit even pass wetin e do last season for this 2024/25 campaign.
You like this gist abi?
Oya, we go like hear from you. Help us drop small comment for the box below!
Last Updated on July 19, 2025 3:53 pm by Hitvibz Media
Stay connected