After 38 matchdays of proper physical football, long-distance waka, tactical war, and pure ginger, the curtain don finally fall for the 2025/26 Nigeria Premier Football League (NPFL) season. This specific season go forever clear for Rangers International eye.
The final day show us wetin football mean—pure tension, massive celebration, heavy heartbreaks, and plots twists wetin nobody see coming, footballrover reports.
Rangers International Don Carry the 2025/26 NPFL Trophy!
The set-up for Lagos na heavyweight level, proper title decider. Enugu Rangers enter town with one mindset: to win the match patapata, make dem fit lift their historic 9th league title, without looking at wetin dey happen for other match centers.
Dem no waka alone o! Thousands of their fans follow dem from Enugu inside more than ten luxury buses, because the Flying Antelopes determine die to write history.
From the referee first whistle, Rangers show say dem no come play. Chidiebere Nwobodo score one beta goal for first half wetin scatter the stadium with massive celebration, before he come double the scoreline early inside second half to put one hand for the trophy.
Even though Moses Ali pull one goal back for Ikorodu City for 58 minutes to make the match hot for end, Rangers refuse to shake.
As the final whistle blow, Lagos just turn to Enugu carnival as Rangers secure the 2-1 win.
Coach Fidelis Ilechukwu don successfully carry the Coal City boys reach the highest mountain for Nigerian football.
This na his second league title inside three years, and e don clear doubt say na him be the baddest coach among his mates right now.
The next level game for the Flying Antelopes na how dem go take carry this domestic swagger enter continental level go dominate Africa.
For their opponents, Ikorodu City, the pain enter bone. The Oga Boys desperately need that win to secure their first-ever continental ticket, but their dream just vanish hand despite how dem fight back with gym.
Rivers United Heartbreak Despite Say Dem Win Match Dead
Inside Port Harcourt, Rivers United do everything wetin dey their power to see if dem fit snatch the crown.
The boys wetin Finidi George dey coach wire their opponents 3-0 clean sheet. Chijioke Mbaoma score beta brace (3rd and 67th minutes) plus another goal from Aniekeme Okon wetin make the home fans dey shout joyfully.
As the Pride of Rivers fans dey celebrate each goal, dem still dey use one eye look wetin dey happen for Lagos. But unfortunately, that miracle wetin dem dey pray for no show face at all.
Rivers United finish the season as runners-up, dem get CAF Champions League ticket, but dem go house empty-handed for the title race.
Shooting Stars Snatched the Continental Dream
The people wetin gain pass from this final-day drama na Shooting Stars of Ibadan.
Even though Niger Tornadoes beat dem 1-0 through Abdulrasheed Shehu Dabai 41st-minute penalty, other results for different stadiums just match for dem like mathematics.
Against all odds, the Oluyole Warriors fly enter the CAF Confederation Cup qualification spot. This drama don end the painful 26 years wait wey dem no play African football, and Ibadan just scatter with sweet celebration.
Former Champions Remo Stars Relegate inside Stoppage-Time Drama
The wicked part of the day happen for Benin City. Remo Stars enter pitch with the knowledge say if dem no win, dem don relegate.
When Victor Mbaoma score for first half to put dem ahead, everybody feel say the Sky Blue Stars go escape NNL waka.
But football get strong head. Deep inside added time, Chijioke Akuneto just clear ball enter net for Bendel Insurance to make the match 1-1, and na so Remo heart break into pieces.
One minute, one goal, and the former champions find dem self for inside Nigeria National League (NNL).
The other clubs wetin follow Remo Stars relegate na El-Kanemi Warriors, Bayelsa United, and Wikki Tourists.
Even though Bayelsa United already know say dem don drop, dem still comout with pride as dem demasculate Kwara United 4-0.
Goals from Peter Ebimobiwei, Saro Loveday, Stephen Wisdom, and Nneoyi Ofem make sure say the Restoration Boys log out with style.
NPFL Final Day Golden Boot and Clean Sheet Round-Up
Comout from the title and relegation matter, the final day still settle who and who carry individual awards.
The Golden Boot race end with joint-top scorers as Remo Stars’ Victor Mbaoma score to meet Rangers’ star boy Godwin Obaje for 14 goals each, while Katsina United’s Uche Collins finish behind dem with 13 goals.
For defense side, the champions Enugu Rangers show say na defense dey win league, as dem get 20 clean sheets.
Rivers United follow dem for back with 19 clean sheets, while Ikorodu City close the defense line with 18 clean sheets.
Mid-Table Drama: Barau FC and Kun Khalifat Log Out with Swagger
Barau FC 3-0 Nasarawa United: Barau FC finish the league with heavy comeback. The team wey bin dey fear relegation before come score through Joseph Atule, Sunday Anthony, and Adamu Hussein to finish for top half.
Kun Khalifat 3-1 Wikki Tourists: Kun Khalifat collect early goal from Jonathan Mairiga but dem fight back. Chijioke Onuaha score sweet brace and Lekan Gabriel add one to ensure say Imo State still get club for NPFL next season.
Enyimba FC 3-0 El-Kanemi Warriors: The Peoples’ Elephant clear El-Kanemi with Stanley Dimgba first-half brace and Uwana Asuquo late goal.
Plateau United 1-0 Kano Pillars: Victor Dawa turn to government hero for Jos as he score for inside stoppage time to thief the three points.
Warri Wolves 2-1 Abia Warriors: Abia Warriors bin score first through Imoh Obot for first minute, but Wolves response double with Chisom Orji brace to win the match 2-1.
As the dust settle for this 2025/26 NPFL season, Rangers International stand gidigba for the top of Nigerian football. For some people, na day of everlasting glory; for others, na day of pure tear.
You like this gist abi?
Oya, we go like hear from you. Help us drop small comment for the box below!
Last Updated on May 25, 2026 3:27 pm by Hitvibz Media
NPFL season end with serious gbege as Enugu Rangers outlast Rivers United take crown and Remo Stars chop wicked relegation
Stay connected