Super Eagles midfielder Papa Mustapha Daniel don officially lift the Slovenian league trophy with NK Celje, and na im first season for the club be this.
The Naija star join the Slovenian club last summer, and right now, he dey celebrate im first major trophy for Europe after he show dem pepper this season., na weytin hitvibz dey yan be dat.
Papa Daniel Win Slovenian League Title For em First Season
This one na proper dream debut season for the 24-year-old midfielder, who be ex-student of Fackson Nextpro Football Academy for Lagos.
Papa Daniel levels just dey go up. After he help Super Eagles win the 2025 Unity Cup for England, he don join hand win the 2025/26 Slovenian league title with Celje for im very first season.
Even though Koper (the team wey dey second position) come beat dem 2-1 for dem home ground, Stadion Z’dežele, Celje still carry the cup because the gap wey dem give other teams for top of the table too far.
Papa Daniel play the full 90 minutes for the match, but he try im best, just say he no fit stop im team from losing back-to-back games.
But look at the levels: Celje get 71 points from 33 matches, and that one pure pass to seal the title. Dem win 22 games, draw 5, and na only 6 dem lose for the whole season.
Daniel Show Dem Working For Celje
The former Niger Tornadoes midfielder really show dem wetin he carry come Europe for im first season, as he feature for 30 matches across all competitions for Celje.
Papa Daniel enter pitch for 20 league matches, play 2 Slovenian Cup games, and even ball 8 times for UEFA Conference League.
Now, the ex-NPFL midfielder and im teammates don shift face to dem last match of the season against Primorje on Friday.
Dem wan play that one win, make dem take style finish the season as champions.
You like this gist abi?
Oya, we go like hear from you. Help us drop small comment for the box below!
Last Updated on May 18, 2026 4:23 pm by Hitvibz Media
Stay connected