After seven waka for Poland Ekstraklasa, Naija baller Paul Mukairu don finally break him goal jinx for Pogoń Szczecin, and na the goal sef wey ginger the team to knack correct win against Raków Częstochowa on Sunday.
The guy no just score, e burst net for injury time give dem 2-0 win for Stadion Florian Krygier. Abeg, no be beans, na weytin hitvibz yan be dat
Paul Mukairu Nets First Goal for Pogon
See as ball dey sweet. The guy play only 26 minutes, but him show say you no need plenty time to shine. Super-sub levels.
Mukairu enter pitch for 64th minute, replace Kacper Kostorz. Na so so runs e dey do till 94th minute, when e hammer the second goal scatter ground.
Make we no forget say na Kamil Grosicki open the scoring for 57th minute before Mukairu finish work.
This win sweet die — Pogon don nack back-to-back victory, third of the season, and dem don jump go 7th place with 10 points. After international break, dem go jam Korona Kielce. Fans go dey wait.
Daniel Daga Scores in Molde’s Defeat
For Norway, young blood Daniel Daga no gree dull. The 18-year-old midfield engine come from bench, chop only one minute before e shake net for Molde. Sharp like pepper soup fish!
But omo, football no dey pity person. Na consolation goal e score as Molde chop 3-1 beating for Valerenga hand.
Daga enter for 84th minute replace Magnus Eikrem, then boom — 85th minute, goal! That na him second goal this season after 10 showings.
But story no sweet finish, as Valerenga don already scatter ground with three goals from Jesper Taaje, Johan Bakke, and Marko Farji.
Guy, Naija boys dey scatter Europe anyhow. From Mukairu wey dey do last-minute dagger for Poland, to Daga wey dey show say age na just number for Norway. If dem keep this fire, beer parlour gist go no finish.
You like this gist abi?
Oya, we go like hear from you. Help us drop small comment for the box below!
Last Updated on September 1, 2025 11:13 am by Hitvibz Media
Stay connected