Post Views: 17

Nigerian winger David Akintola don officially make him comeback to Omonia Nicosia after the Cyprus club and English Premier League side Hull City agree on how the player go move.

David Akintola moves to Omonia Nicosia

Omonia don confirm the transfer, as Akintola sign two-year deal wey go keep am for the club till 2028. The 30-year-old player go rock number 8 jersey for the team, na weytin Hitvibz dey yan be dat.

David Akintola Don Find Him Way Back

This new move mean say Akintola don return to place wey no too strange to am. The Nigerian player first play for Omonia back in 2020 when he join them on loan from Danish club FC Midtjylland.

  Shehu Dabai Don Join Rivers United as Finidi George Dey Pick Better Players from NPFL Rivals to Chase Trophy

But COVID-19 wahala come cut the spell short. During that time, Akintola manage play seven games and find net twice for the Cyprus side.

David Akintola leaves Premier League for Cyprus

Akintola join Hull City for August 2025 after e sign two-year contract with the English club. But as time dey go, e become clear say him future for Hull no too sure, especially as Omonia dey push hard to bring am back to Cyprus.

The Nigerian attacker spend last season with Hull City and na there e celebrate the club historic promotion to the Premier League. His final appearance for Hull come on August 28, 2026, when e feature for their EFL Cup game.

From England Back to Cyprus

Akintola fit play for both wings, and throughout him career, e don gather plenty experience for different countries. Apart from Cyprus and England, the winger don also play ball for Denmark, Norway and Turkey.

  Naija ballers Philip Otele, Uchenna Ogundu don join Bundesliga clubs Hamburger SV and Augsburg

Some of the clubs wey e don represent include FC Midtjylland, Rosenborg, Hatayspor, Adana Demirspor and Çaykur Rizespor.

The Nigerian winger spend five years inside Turkish football, where e turn out for Adana Demirspor, Rizespor and Hatayspor. When e just dey 18 years old, e make one big move for him career after e join Midtjylland.

David Akintola depart Hull City to join Omonia Nicosia

Now wey Akintola don return, Omonia dey get player wey already sabi the club and don experience life for Cyprus before. For Akintola side, the move give am another chance to continue him football journey for familiar ground.

  Raphael Onyedika: Super Eagles Star Reject New Contract After Em Win 6th Career Trophy—Premier League Big Boys Eyes Don Open!

Omonia rven welcome the Naija baller back with open arms, saying: “We welcome David Akintola back to the OMONIA family and wish him every success.”

You like this gist abi?
Oya, we go like hear from you. Help us drop small comment for the box below!

Last Updated on September 10, 2026 5:47 am by Hitvibz Media