Bayern Munich don show Real Madrid pepper for Santiago Bernabeu inside dai Champions League quarter-final match wey really sweet.
Like play play, di match end 2-1 for Bayern side, and e be like true European classic because the two teams play like say tomorrow no dey, na weytin hitvibz dey yan be dat.
Bayern Munich Tap Better Ball for Madrid Ground
Bayern start with fire for body. Even though Upamecano mess up one early chance wey Kane create, the German machine no gree. Manuel Neuer also show say him be Correct Wall as him save many balls from Vinicius Junior and Kylian Mbappe.
The first goal enter for 41st minute when Luis Diaz finish one clean move wey leave Andrii Lunin for ground.
Just as second half start, before Madrid players even settle, Michael Olise find Harry Kane wey just use cool head wire the ball go bottom corner.
Within 20 seconds of the restart, Bayern don double their lead, and Madrid fans begin sweat.
Madrid no come play marbles; dem push well-well. Vinicius miss one chance after him beat Neuer, but the pressure finally pay off.
Trent Alexander-Arnold give Mbappe one follow-come pass, and the French star score am, even though Neuer try reach the ball.
Kane and Mbappe Record Breakers
The match na all-die-be-die as the two teams get 20 shots each.
Harry Kane use style celebrate him return from injury, and now him don score or assist for four straight games against Madrid.
For di other side, Mbappe don carry him goal count go 14 for this season Champions League. Only legends like Ronaldo, Lewandowski, and Benzema don score pass that mark for one season.
But then, dis result mean say the second leg for Munich go be sweet war because Madrid still get hope to turn the result like inec.
You like this gist abi?
Oya, we go like hear from you. Help us drop small comment for the box below!
Last Updated on April 8, 2026 1:22 am by Hitvibz Media
Stay connected