Naija boy Chibuike Nwaiwu go siddon watch next match from stands after referee show am early shower for Austria.
Omo, two yellow turn one red, na so Wolfsberger AC midfielder waka comot field sharp-sharp against Blau-Weiß Linz Sunday afternoon, na weytin hitvibz dey yan be dat.
The 23-year-old no even reach halftime sef. Just 37 minutes, three fouls, 36 passes – like say na him dey audition for “Most Wanted” instead of Man of the Match.
Embarrassing Stat Weh No Chibuike Nwaiwu Sweet At All
Nwaiwu night end like PHCN light – sudden blackout. Ref flash first yellow at 37th minute, just six minutes later, another one land. Combine am, na red. Baba don collect record wey no dey sweet to carry for CV.
Funny enough, Wolfsberger no even miss am. Dem still knack Blau-Weiß Linz 3–0 like say na training match.
Nwaiwu waka comot, but team still control things. If na gist, we fit talk say “na 10 men, but e still be like 15 vs 9.”
Wolfsberger Show Dem Pepper
Before ref even scatter Nwaiwu day, Wolfsberger don already dey run cruise. 11th minute, Dejan Zukic slot penalty.
14th minute, Markus Pink add another one – back-to-back goals like prime Messi and Suarez combo.
After restart, that same Pink strike again, brace complete. 3–0, game finish, abeg shift remote.
Blau-Weiß Linz sef no dey innocent. Anderson collect straight red for 24th minute. Both teams play 10-10, but Wolfsberger carry all the ginger.
Weytin Dey Next for Di Naija Midfield General?
Last season, Nwaiwu still ball well – 25 games, 2 goals. Guy don show say him fit hold midfield. But this kain embarrassing red, e go dey pain like bad VAR call.
Now the mission clear: bounce back, regain confidence, no allow “Austrian Bundesliga Red Card Association” use am as ambassador. Because truth be say, Naija no dey carry last – even for bans.
You like this gist abi?
Oya, we go like hear from you. Help us drop small comment for the box below!
Last Updated on August 18, 2025 7:07 am by Hitvibz Media
Stay connected