Naija baller Ejike Opara don finally open him goal account for Europa Conference League qualifiers, but the goal no fit give Novi Pazar better start for their Europe waka.
The Serbian team chop heartbreak for their yard as dem lose 2-1 to Polish side Jagiellonia for the first leg of their Europa Conference League second round match for Gradski Stadion, na weytin hitvibz dey yan be dat.
Ejike Opara Shine Early, but Last Minute Wahala Spoil Everything
Even though Pazar first collect goal for early minutes, dem quick reply as Opara knack one fine goal for 19th minute to level the matter.
The away team don first quiet the home fans as Dimitris Rallis put ball for net inside 9th minute.
But Opara no gree dull – the 20-year-old Naija boy show why dem carry am come Europe as him fire one sharp goal to boost the team. First half end 1-1, hope still dey.
Red Card + 95th Minute Kasala as Pazar Fall Yakata
Second half tight like Lagos traffic – both teams dey try, but nobody gree score again.
Just when everybody don dey reason say the match go end draw, Afimico Pululu, wey just enter game, knack one killer goal for 95th minute – wahala!
To make things worse, Ivan Davidovic chop second yellow for 88th minute, so Pazar play last minutes with ten men before dem finally chop that last goal wey scatter dem.
Now, Opara and him guys go need serious ginger as dem dey prepare go Poland for second leg.
Na only better focus and cool head fit help dem keep their Conference League dream alive.
You like this gist abi?
Oya, we go like hear from you. Help us drop small comment for the box below!
Last Updated on July 25, 2025 9:59 pm by Hitvibz Media
Stay connected