Kelechi Iheanacho don hail one special day for Glasgow after he comot from bench come complete Celtic 3-1 win against Dunfermline Athletic for the Scottish Cup final inside Hampden Park.
This victory make am a proper domestic double for the Hoops, just seven days after dem lift the Scottish Premiership title, na weytin hitvibz dey yan be dat.
Kelechi Iheanacho Celebrate Historic Celtic Trophy After Dem Win Cup
Even though he start the match from bench, the Nigerian forward make sure say dem feel hin hand. He score the last goal to scatter Dunfermline hope to come back, and he write hin name inside history books.
The 29-year-old Super Eagles star enjoy beta ending for the season under manager Martin O’Neill, even though he battle serious hamstring injury throughout hin first year for Scotland.
As he dey talk after referee blow final whistle, Iheanacho show hin pure joy as dem dey carry the trophy go back to Parkhead.
“E really sweet me for body. My first Scottish Cup, I dey happy die. The season wild, but we dey happy say we win,” Iheanacho talk for hin interview after the match.
The striker enter the pitch for the 58th minute to replace James Forrest, when Celtic already dey lead thanks to first-half goals from Daizen Maeda and Arne Engels.
E no take the Nigerian pass 15 minutes to show hin level. After he run block one sharp pass from Benjamin Nygren, Iheanacho logic two defenders, dribble the goalkeeper, and roll the ball inside net to make am 3-1.
Dunfermline manage score one late goal through Josh Cooper to reduce the tension, but Celtic still hold the game tight.
For Iheanacho, the trophy mean everything to all the fans, especially as dem watch Celtic bounce back from that painful penalty shootout loss to Aberdeen last year. This win make am Celtic 43rd Scottish Cup title.
“This one na big proud moment for the club, for the fans, and for everybody wey hold this moment tight. I believe say this season go dey the history of this club forever, so everybody go remember am. So we dey really happy say we dey celebrate like this with the fans,” he add joint am.
Highest-Scoring Nigerian Player Dey Look Face Next Season
Since he join the club as free agent on top one-year contract last summer, the former Premier League star don score beta goals wey get weight.
He don shake net nine times inside 24 games across all competitions.
As he dey look back at how everything sharp for am inside Scotland, the striker gree say the way success take come pass wetin he even expect.
“To be sincere, the tin just wild. I don do ten months, just ten months I take come, and I don win two trophies. So I dey happy, my body dey sweet me, plus my family and the fans and everybody, so I dey really happy,” Iheanacho share.
As hin short-term contract dey end so, Celtic fans dey desperate make the historic goal-machine stay the club for next season.
When dem ask am if he go still wear the green and white jersey when next season start, Iheanacho drop clear hint about wetin dey hin mind.
“I hope so, I hope say when next season start I go still be Celtic player. But we go leave that one for the club people to arrange,” he finish.
You like this gist abi?
Oya, we go like hear from you. Help us drop small comment for the box below!
Last Updated on May 23, 2026 8:36 pm by Hitvibz Media
Stay connected