Super Eagles of Naija don bow out for AFCON 2025 with serious heartbreak after dem lose to Morocco for penalty shootout for Wednesday semi-final wey happen for Rabat.
After full 90 minutes plus extra time end for zero-zero, na Morocco carry the day for penalties, beat Naija 4-2, con book their ticket go final, na weytin hitvibz yan be dat
Super Eagles no make am as Morocco edge dem for penalties
For the match, na Morocco get better chances pass, while Super Eagles only manage two shots the whole game.
Morocco keeper, Yassine Bounou, na im really decide the matter as e save two penalties for Atlas Lions side. For Naija side, Stanley Nwabali manage save one, but e no still enough.
Even though the Eagles perform well throughout the tournament, small-small margins still cost dem for Rabat, as Morocco show better control when e really matter.
Chelle talk wetin spoil Super Eagles game
After the match, Super Eagles coach, Eric Chelle, talk say dem fall hand for some important areas.
“We miss plenty things – intensity, tactics, movement. Morocco deserve the win, but our mindset good; we fight for every ball. The match no easy at all, but the players try respond well,” Chelle talk.
“E pain because we lose again for penalties. E sad because we work well for training, but na football be this, we gats accept am.”
Chelle also talk say tactical issues, especially their pressing game, really affect the team.
“We play 4-4-2 diamond, and if you use that formation, you must press high. If you no do am, you go suffer.
“For the first 15 minutes, our pressing dey okay, but after that, we dey miss one metre, two metres, and e make things hard for us. The high pressure no work again, and technically e no still be the same,” he add.
Now, Naija go shift focus to finish the tournament well as dem prepare for third-place match against Egypt next.
You like this gist abi?
Oya, we go like hear from you. Help us drop small comment for the box below!
Last Updated on January 15, 2026 7:50 am by Hitvibz Media
Stay connected