KRC Genk winger, Yira Sor, don ready to show him level for international stage after he get him first-ever invite to play for Nigeria senior national team.
The forward, wey dey hot fire now, dey among the new players wey dem select for the big friendly matches wey dey come up against Iran and Jordan, na weytin hitvibz dey yan be dat.
Yira Sor react as di call-up surprise am
The invite really shock the forward, wey be say just few weeks ago, he be just passionate supporter wey dey cheer the team from house.
The winger react to the call-up as he explain how he go take help Super Eagles for their upcoming matches.
“I be player wey get plenty speed. I be player wey like to use the full length of the pitch run. So I hope say I fit give the team this one, and together we go achieve more.
Just two months ago for AFCON, I dey watch the team for television and my body dey shake. Every match wey dem play, I dey support the team.
And two, three months after, dem call me come join the squad. To be very honest, the tin shock me real life.
But I thank God for everything. And to represent Nigeria, wey pass 200 million people, na big honour for me.
Na privilege wey I no fit play with at all. I gats push reach my maximum,” na wetin he tell NFF Media.
How the speedster go take help Super Eagles
Head coach, Eric Chelle, put the Genk attacker name join other new boys like Emmanuel Fernandez and Philip Otele.
Before this big level for him career, the Genk forward don make news as the fastest player for Europe.
He run reach 37.7km/h speed wey break record, and this one put am ahead of world superstars like Kylian Mbappé.
This him track-star speed don make am nightmare for defenders for the Belgian Jupiler Pro League.
The attacker wey fit play anywhere for front don involve for eight goals for him club this season—he score six times and give two assists.
As he just score against Gent recently, the way he fit play any position for attack go give the national team heavy fire power.
You like this gist abi?
Oya, we go like hear from you. Help us drop small comment for the box below!
Last Updated on March 26, 2026 1:57 pm by Hitvibz Media
Stay connected