To move go the Premier League no dey ever easy, even for players wey dey come with plenty confidence and good form. For Tolu Arokodare, the step from Belgium go England don turn to serious learning experience instead of quick breakthrough.
The Nigerian striker join Wolverhampton Wanderers with big expectation after the way he shine for KRC Genk, but the real level of England top flight don force am face tougher challenge for him career, na weytin hitvibz dey yan be dat.
Tolu Arokodare reflect on him tough Premier League experience
Arokodare no hide the truth about how demanding the move don be since he leave Belgian Pro League come Premier League.
“The two leagues are comparable: physically demanding, intense, and fast. But in the Premier League, you have to double your efforts,” he told Het Nieuwslbad.
For striker wey come England after he finish as one of the top scorers for Belgium, the first few months don remind am say name and reputation no mean much once match start for Premier League.
“It wasn’t easy, I admit. My first matches were a struggle, I struggled. It was even harder than I expected. I’ve made progress since then, but I’m not where I want to be yet.”
Those words show player wey still dey try adjust to the pace, physical battles and constant pressure wey define football for England.
For Belgium, Arokodare dey play with confidence and rhythm. But for England, every touch dey contested and every chance must be fought for.
Arokodare want become stronger after Wolves challenge
The Nigerian forward talk say he already know say fight go dey when he join Wolves, especially as the club dey struggle near the bottom of the Premier League table.
“I knew I wasn’t coming here on holiday, that I’d have to fight. So, not much has changed in that respect. I was fighting with Genk, and now I’m fighting with Wolves. Then for the title, now to stay up n the league,” he said.
That change — from chasing trophy with Genk to battling relegation with Wolves — don also change the story around Arokodare football.
Goals never plenty, pressure don increase, and the learning process don harder. But the striker still dey look the situation as chance to grow instead of reason to complain.
“I want to learn from this and become stronger. But it goes without saying that it’s tough being top scorer last season and now not even close to double figures.”
Moments like Tuesday night for Molineux still show say he fit make difference.
After coach bring am enter match for 59th minute, Arokodare no waste time before he begin influence the game, as him smart assist help Rodrigo Gomes score the first goal when Wolves shock Liverpool 2–1.
The assist na him first Premier League assist of the season and e show say even when season tough, the quality still dey.
Wolves later seal dramatic victory through André late goal for stoppage time, result wey boost belief around Molineux as the relegation battle dey hot.
For Arokodare, the assist no go wipe away all the struggles of him first Premier League season, but e show say the striker dey gradually find him feet for one of the toughest leagues for world football.
You like this gist abi?
Oya, we go like hear from you. Help us drop small comment for the box below!
Last Updated on March 5, 2026 1:19 pm by Hitvibz Media
Stay connected