Naija forward Kparobo Arierhi still dey hot for preseason, e knack another goal as Lillestrøm knack Strømsgodset 4–4 for one correct 8-goal thriller last Friday night.
The 19-year-old guy score him team 4th goal, but Lillestrom no fit hold their small lead, dem just end the game 4–4, na weytin hitvibz dey yan be dat.
Kparobo Arierhi don score 4 goals for 2 games
The Flying Eagles youngster don already burst hat-trick for Lillestrom last friendly, weh dem score 9 goals against KFUM Oslo.
Now Arierhi don score back-to-back games, 4 goals for 2 matches na so e be.
Lillestrøm start the game sharp. Gustav Kjolstad Nyheim knack early goal, Lars Ranger double am within 14 minutes. Dem punch two quick goals, e be like dem go carry am home easy.
But Stromsgodset no gree.
Gustav Wikheim start their comeback for 36th minute, na just 3 minutes later James Ampofo balance am before half time. From smooth control to 2–2 like dat.
Second half still dey mad. Salieu Drammeh give Lillestrom small lead again, Mats Spiten no gree, e respond sharp and balance am.
Arierhi shine for Lillestrom 8-goal wahala
Arierhi come knack Lillestrøm go front 4–3, e be like dem don nearly close am.
Na so e be.
Deep inside stoppage time, Stromsgodset knack equalizer — make everything finish 4–4. Everybody waka comot with mixed feelings.
Preseason or no preseason, this one get everything wey fans dey like.
You like this gist abi?
Oya, we go like hear from you. Help us drop small comment for the box below!
Last Updated on February 13, 2026 7:45 pm by Hitvibz Media
Stay connected