Kwara United don write their name for history book finish as dem manage enter the final of the President Federation Cup after dem knack Enugu Rangers 1-0.
The match happen on Wednesday for Mobolaji Johnson Arena for Lagos, and the Harmony Boys show pepper to the six-time FA Cup champions for the semi-final, Hitvibz reports.
Kwara United dream for Federation Cup don finally come true
Na one goal do the magic, and na Wasiu Alalade score am for the 48th minute, just start of second half.
Na Alalade be the hero for the Ilorin Boys, as hin goal carry them go final. Before that goal, Yahaya Ibrahim and the same Alalade bin get chance to score for Kwara United for first half.
Rangers fall hands as Kwara make history
For the last minutes of the game, di Coal City team try their best to equalise, but Kwara defence strong like rock, and their goalkeeper Suraj Ayeleso save ball anyhow, make sure dem reach FA Cup final.
The Head Coach of Kwara, Tunde Sanni, happy well well say hin carry the club go their first cup final in 49 years!
Hin warn Abakaliki FC say make dem no reason say em go underrate dem for that final.
“We don work tire to reach here, and we go put all our heart for the final,” na wetin hin talk.
Meanwhile, Abakaliki FC sef reach final after dem beat Ikorodu City 5-4 for penalty shootout for Abuja, after the game end draw-draw.
Now, the stage don set for sweet FA Cup final between Kwara United and Abakaliki FC.
We gather dey here, to see who go finally carry am!! Body don dey swwet us already.
You Like this post abi?
Oya, we go like hear from you abeg. Help us drop small comment for the box below!
Last Updated on May 21, 2025 8:42 pm by Hitvibz Media
Stay connected