Post Views: 333

Tension don rise again for Rivers state and dis time around na for Oil Mill Market, Port Harcourt, as one serious fight between two traders turn deadly, come cause fresh protest for the area.

Police and army at Oil Mill Market after incident

The incident happen just two days after Igwuruta community for Ikwerre LGA stage protest over security concerns, wey don already put State on edge, na weytin hitvibz dey yan be dat.

Oil Mill Market Incident: How Trader Take Lose Him Life

According to one journalist for PH Allwell Ene, the Oil Mill Market wahala bin start as small quarrel between two traders — one from Benue State and di other wey be Hausa man from core North.

  Rivers Gov Election Tribunal: Accord Party Closes Case Amid Shocking Revelations

Traders close shops during Oil Mill Market protest

Wahala start when the Hausa trader carry him goods go keep for front of the Benue trader shop. The Benue man ask am make he remove am, but argument quickly turn serious fight.

For the middle of the quarrel, the Hausa trader reportedly bring out dagger use am on the other trader.

People rush the victim go hospital, but unfortunately, he no survive.

Oil Mill Market Protest Adds To Rivers Security Tension

As news of the death spread, protest burst out for Oil Mill Market. Angry traders and youths gather, tension rise, and many shops quickly close to avoid escalation.

  We'll build Oyigbo road according to minimum standards - Commissioner for Works

fruits destroyed at Oil Mill Market

Security agencies respond sharp-sharp. Police, Army, Counter-Terrorism Unit and OSPAC deploy to the market to prevent further clash and restore calm.

As at now, normalcy dey gradually return, but heavy security presence still dey the area.

This Oil Mill Market wahala come at sensitive time, especially after the recent Igwuruta protest where residents complain about repeated k!llings and insecurity.

Many observers say the back-to-back incidents show say Rivers State still dey battle serious security challenges, and residents dey call for stronger government action to prevent ethnic tension and further violence.

Security presence after Oil Mill Market incident

For now, traders and residents for Port Harcourt dey watch closely, hoping say peace go truly return — not just for Oil Mill Market, but across the state.

  Port Harcourt Airport Receives Firefighting Truck from Governor Fubara
You like this gist abi?
Oya, we go like hear from you. Help us drop small comment for the box below!

Last Updated on February 14, 2026 2:44 pm by Hitvibz Media