Power Dynamos and Rivers United just manage share points after full 90 minutes, as match end 0–0 for their TotalEnergies CAF Champions League Group A game for Ndola-Levy Mwanawasa Stadium.
Both teams enter the match with serious hunger for points, and e show for their play. The game tight well well, plenty discipline, missed chances, and correct correct goalkeeping from Rivers United side, na weytin hitvibz dey yan be dat.
Slow start, everybody dey observe
From kickoff, both teams no rush anyhow. Everybody dey careful. Dynamos hold ball more for early stage, while the Port Harcourt team dey sit back, organize themselves well, dey wait to counter.
Na Dynamos get better chances for first half, but Rivers United goalkeeper, Osagie Onisodumeya, turn wall. For 20th minute, e pull correct save stop Dynamos from close range. For 32nd minute, e do another mad save wey make crowd shout.
Zambian champions later get one clean chance but waste am, allow Rivers United breathe again. If to say dem score there, story for change.
For 38th minute, the Pride of Rivers forced do early substitution as Osimaga Duke come replace Ogechukwu Ogbu. First half end still 0–0.
After break, tempo still normal, nobody fit dominate. Both teams try but final ball no dey connect.
Rivers United coach, Finidi George, respond for 62nd minute as e bring in three fresh legs — Okon Aniekeme, Wasiu Falolu and Ochobi Elias — to shake things.
Power Dynamos vs Rivers United: Late push, still di same result
For 67th minute, Ubong Friday nearly break deadlock with strong shot, but Dynamos goalkeeper save am sharp sharp. Later for 78th minute, Timothy Zachariah enter as Maclyn Biokpo comot.
As match dey run go end, Dynamos press hard for goal. For 83rd minute, Onisodumeya again show say e no dey joke, as e position well collect another important save.
Ref add four minutes extra time, Dynamos still dey try, but United stand strong till final whistle.
The 0–0 draw mean both teams still dey bottom of Group A, still dey find their first win. But the Naija team go happy say dem no concede and their goalkeeper really show class for the night.
You like this gist abi?
Oya, we go like hear from you. Help us drop small comment for the box below!
Last Updated on January 24, 2026 5:07 pm by Hitvibz Media
Stay connected