Rivers United head coach Finidi George don react after im team collect enough choppings for Pyramids FC hand for CAF Champions League.
The Nigerian club lose the matchday five 4-1 for di Group A game on Sunday for Godswill Akpabio International Stadium, Uyo, na weytin hitvibz dey yan be dat.
Rivers United take early lead but lose grip
Di Port Harcourt team start the match well and show confidence early, but dem no fit maintain am as the game go on, especially for second half when the Egyptian champions take full control.
The NPFL team get the breakthrough for 33rd minute when Stephen Manyo fire strong long-range shot give the home side early lead.
Di goal give the Garden City team small hope say dem fit get positive result against the defending champions.
For first half, di NPFL leaders dey organised and dem no allow Pyramids space to play. But immediately second half start, the tempo of the game change as the visitors begin press harder.
Finidi George admits quality gap after second half wahala
Pyramids equalise for 53rd minute through Mostafa Fathi, wey slot the ball pass goalkeeper after clean pass from Mostafa Zico. From that moment, di Pride of Rivers begin struggle to keep up.
Marwan Hamdi later score from penalty 13 minutes before full time to put Pyramids FC ahead.
Substitute Awda Al-Fakhoury add third goal for 88th minute, before Nasser Maher finish am with fourth goal for stoppage time.
After the match, Finidi come kuku admit say em team just lose control and make too many costly mistakes.
“We control the game and score our goal, we no give dem space to play for first half,” Finidi talk after the match.
“Our problem na indecision because we make mistakes for tackles, our legs no dey well as the Egyptians dey faster.
“E hard for the players to hold dem for second half, we lose to very good team, especially for second half.”
Dis result now come push Pyramids go 13 points for top of Group A, and e come confirm dia qualification to the CAF Champions League knockout stage.
Rivers United come kuku remain bottom of the group with just one point and dey don officially crash out of the competition.
You like this gist abi?
Oya, we go like hear from you. Help us drop small comment for the box below!
Last Updated on February 9, 2026 9:27 pm by Hitvibz Media
Stay connected