Super Eagles forward Terem Moffi continue im correct form for Liga Portugal as e give one key assist wey help FC Porto carry one point for their 2-2 draw against Famalicão on Saturday evening.
Even though say e set up di first goal for di Round 28 match, di 26-year-old player just sit down for bench dey look as im team let di lead slip twice for Estádio do Dragão, na weytin hitvibz dey yan be dat.
Terem Moffi face show, em shoe shine as Porto take control
Moffi, wey get im first assist for di season, don now get three goal contributions for ten matches—wey be one league goal, one league assist, and one goal for Europa League.
No be only Moffi be di Nigerian for pitch; Zaidu Sanusi sef play well for di league leaders.
But di two of dem no finish di match. Dem comot Moffi for 61st minute make Deniz Gül enter, while Sanusi play only first half before Martim Fernandes take im place.
Di game start with ginger for di home team when Alberto Costa score for 35th minute. Costa bin dey di right place for di right time to knack di ball enter net after di ball bounce come im side.
However, nine minutes into di second half, Sorriso sharp pass everybody for inside box. E use head wire di ball enter middle of net to make di score 1-1.
Di drama hot well-well for stoppage time when e be like say Porto don win di match. Seko Fofana score fine goal after e run solo, come finish am with better strike.
Goalkeeper Lazar Carevic just stand like pilar as di ball fly enter bottom right corner, e come be like say Porto don win 2-1.
But as di home fans dey jubilate say market don set, Famalicão shock dem for di 8th minute of added time.
Moffi impact fade as Porto collect last-minute goal
Rodrigo Pinheiro level di score again for di away team. Porto goalkeeper try save di first one, but di ball fall for Pinheiro leg. E see small space for box, come fire shot wey touch post enter net. Na so di match end 2-2.
Even though say dat late goal pain dem, Porto still neva lose for six games now (four wins, two draws).
Moffi and im team still top di table with 73 points, and dem get 5-point gap over Sporting CP wey dey second position.
Now, di Dragons go prepare to face front for their Europa League match against Nottingham Forest.
You like this gist abi?
Oya, we go like hear from you. Help us drop small comment for the box below!
Last Updated on April 5, 2026 8:02 am by Hitvibz Media
Stay connected