Omo, make I yarn you as e be — our Super Eagles bobo, Tolu Arokodare, don show say last season no be fluke. The guy don open him goal account for this new season, but as Naija man go talk — goal no dey buy garri if team no win.
Na so Genk waka go Standard de Liège backyard on Sunday evening, and dem still collect narrow 2-1 beating, na weytin hitvibz dey yan be dat.
Tolu Arokodare Burst Net, But Genk No Fit Collect Result
37th minute, one guy wey dem call Thomas Henry vex enter box, lash one ball for net — e be like say Genk keeper still dey think of jollof rice, because the man score am clean.
Second half never reach anywhere, na the same Henry serve better assist give Marlon Fossey wey just compose himself like Bruno Fernandes before slot am inside. 2-0.
67th minute, Genk coach talk say “abeg, bring Naija boys enter”. Na so Tolu Arokodare and Yira Sor enter like fresh legs for Champions League final.
Arokodare Enter Field, Cause Kasala Sharp-Sharp for Standard Liege Backyard
Three minutes later, Arokodare use Oh Hyeon-Gyu pass as suya pepper — control, shoot, goal! As he score, you go think say comeback dey smell.
But my brother, Standard de Liège defense no gree again. Dem hold body like Atletico Madrid wey dey protect 1-0 lead.
Na Arokodare first goal in three matches this season. Last season, the guy tear league with 21 goals and 5 assists for 40 games.
Dis season e never even play pass 30 minutes for any match — always dey come from bench like super-sub Rashford of old days.
Four seasons Tolu don dey with Genk now, but this their start dey smell like wet firewood. Zero win in three matches — two loss, one draw.
If dem be Premier League team, dem for dey bottom table near relegation zone.
E clear say if Genk no wake up, Tolu go dey score for fun but e go be like striker wey dey carry bucket go fetch water for basket.
You like this gist abi?
Oya, we go like hear from you. Help us drop small comment for the box below!
Last Updated on August 12, 2025 5:34 am by Hitvibz Media
Stay connected