Super Eagles forward Tolu Arokodare drop correct assist wey ginger Wolves beat Liverpool for house during their Premier League match on Tuesday night.
Arokodare come from bench arrange the first goal of the match as di home team shock the Reds collect tight 2-1 win for Molineux Stadium, na weytin hitvibz dey yan be dat.
Super Eagles’ Tolu Arokodare flip the script for Molineux
The Nigerian international enter the match for 59th minute replace Adam Armstrong, and before 19 minutes finish, him magic leg don create the first goal.
The 25-year-old striker record him first Premier League assist of the season, make him total goal contribution reach seven — two goals and one assist for EPL, one goal and one assist for FA Cup, plus two goals for EFL Cup.
Arokodare ball wella come help sink Liverpool
Wolverhampton Wanderers win back-to-back Premier League matches for the first time since April 2025, as André score him first goal for the club deep inside stoppage time seal the dramatic victory.
Even though Wolves dey struggle near relegation zone, dem show new confidence after recent better results for home.
The Reds start the match strong, with Cody Gakpo and Jeremie Frimpong almost score, but clear chances no too plenty for the quiet first half. Wolves no even get one shot, while Liverpool manage only two shots on target.
After break, Arne Slot boys raise the pressure and referee wave penalty appeal go, while Hugo Ekitiké and others nearly find breakthrough.
But na Wolves strike first against run of play when Arokodare set up Rodrigo Gomes for correct goal for 78th minute.
Mohamed Salah later equalise, but André shot wey deflect scatter Liverpool plan and snatch the win, reduce their top-five hope.
You like this gist abi?
Oya, we go like hear from you. Help us drop small comment for the box below!
Last Updated on March 3, 2026 11:54 pm by Hitvibz Media
Stay connected