For almost three months now, goal no gree enter for Victor Olatunji. E try, e push, but ball refuse cross line.
But on Tuesday night, the Nigerian striker finally shake net again as e help Sparta Prague shut down Dukia Praha with better 3-0 win for epet ARENA, Hitvibz reports.
Victor Olatunji enter, show working, shut down Dukia Praha
Na 65th minute coach put Olatunji for field, say make e replace Jan Kuchta oh!
Sharp-sharp, my guy man see net but referee cancel am, say foul dey for build-up.
The thing pain am, but Olatunji no gree. E continue press till 88th minute when e finally score, sealing the win for Sparta Prague.
Before em goal, Albion Rrahmani don open scoring five minutes before halftime. The match tight for second half as Dukia Praha find equaliser but no way.
Sparta still add another one for 84th minute through Patrik Vydra before Olatunji come lick the last part of the pot four minutes later and em finish work no be small.
Olatunji don finally break goal drought, Sparta Prague continue to dey win dey go
Before this match, the last time Olatunji score na for December 15, 2024, when e help Sparta Prague knack Jablonec weytin no good.
With this em latest goal now, e don get 12 goal contributions this season—six goals for Czech Liga, One for cup game plus four goals and one assist for Champions League.
Sparta Prague dey on fire now—five straight wins, no loss as dem dey fly like dis dey enter the next stage of the competition.
Next stop? Dem go battle Sigma Olomouc for March 1 ontop league matter and as Olatunji don find em scoring boots again—make we see how em wan take run am.
Dem gather dey for third position for the league with 49 points, same level with Viktoria Plzen wey dey second, but 13 points behind Slavia Prague wey dey top.
Be the first to comment on "E don cast! Victor Olatunji don finally find em period, shut down Dukia Praha for Sparta Prague"