Victor Osimhen Champions League dream don end for cry-cry way as Liverpool wire Galatasaray heavy-heavy for Anfield.
Even though dem carry 1-0 lead from di first leg go England, everything scatter for di Turkish giants as Osimhen wound for hand after Ibrahima Konaté follow am body for pitch, na weytin hitvibz dey yan be dat.
Victor Osimhen Wound Scatter Di Lions Champions League Hope
Di Super Eagles star try play with di pain, but he no fit move well and dat one quench di Lions’ attack. E reach half-time, he no fit continue again, he come out.
Di club talk say: “For di first half of our match against Liverpool, our player Victor Osimhen collect blow for arm.
He play finish di first half, but when doctors check am for half-time, dem say make he no play again because di bone fit don crack.”
Okan Buruk, di manager, vex for di referee because he allow Liverpool players dey rough-handle im players. He talk say as Osimhen comot, im team no get mouth for attack again.
As Osimhen no dey, Liverpool come start to show dem pepper. Szoboszlai, Ekitike, and Gravenberch score, then Mohamed Salah follow dem wire im 50th goal for Europe to make am easy win.
Their goalkeeper, Ugurcan Çakir, try save Salah penalty, but Galatasaray just collapse as their Oga-pata-pata for front no dey field.
Liverpool Wayas Galatasaray as Salah Haba 50 Goals for Europe
Buruk gree say im team liver fail dem and dem no get rhythm again, while Liverpool play sense-play take enter quarter-final where dem go jam PSG.
“Our opponent deserve di win pass us. Bad tins just dey happen; di way we start, Osimhen injury, and how we no fit show ourselves… dat one come give Liverpool mind.
“Dem play with chest, but we lose our own. Our fans bin dey expect more from Galatasaray, but nothing work for field. Injury and wrong decisions follow join scatter our plan.
“My players try their best, and I respect dat one. People don congratulate us say we reach here, but I really weak for dis defeat today.”
For Osimhen, di tournament where he dey shine before don end with pain, and surgery fit follow.
Di club come add join say: “After di match, doctors check am for hospital and dem see say di bone for im right hand don break, so dem don put POP. We go know if he go do surgery for di days wey dey come.”
You like this gist abi?
Oya, we go like hear from you. Help us drop small comment for the box below!
Last Updated on March 19, 2026 6:33 am by Hitvibz Media
Stay connected