Danish Superliga defender Maxime Soulas don make headlines wey pass football pitch after dem give am one kind correct Man of the Match gift wey nobody expect: one mountain of potatoes.
After SønderjyskE knack Nordsjælland 3-2 for one hot match, the 26-year-old French defender collect 55 kilograms of fresh potatoes—wey dem even carry come with wheelbarrow, na weytin hitvibz dey yan be dat.
From Better Defence to Potatoes Delivery: Maxime Soulas’ Matter Don Go Viral
This k-leg gift na because say he score the first goal for the gbege match wey happen on Sunday.
Na one local sponsor come do the giveaway—na dem dey always pick wetin the Man of the Match go collect.
“Na the sponsor of the match dey pick the gift. E say e wan do something funny—and now the matter don spread everywhere.”
— Jacob Ravn, SønderjyskE Comms Oga
Some players dey waka comot with medal or trophy, but na Soulas own way different—na why social media no gree rest because of the way dem deliver the potatoes and the koko of the matter.
When dem ask Soulas wetin he do with the potatoes, he yarn say:
“I give the potatoes to our club kitchen, and dem still carry some go give people wey dey chop from soup kitchen.”
— Maxime Soulas via AFP / SuperSport
This humble move just make the whole viral matter sweet pass—as e no just be cruise again but also help people wey need am.
The Defender Wey Dig Ground—For Field and For Life
Soulas wey dem born for Montpellier don dey steady for SønderjyskE since 2021. Before he land for Danish Superliga, he don first ball for Netherlands and one Danish team for Copenhagen wey dem dey call Amager.
Even though na ball wey he sabi play make people dey talk about am before, this time na one full sack of potatoes carry am enter global gist.
The award—wey be mix of comedy and care—don add one funny but correct page to him football career.
From heavy tackles to heavy potatoes, Maxime Soulas dey show say football players fit still run good cruise wey touch people heart.
But make we talk true—if na for Nigeria Premier Football League (NPFL), this story for don change since.
Just last month, one Man of the Match for Norwegian club Bryne FK collect combo wey mad: 100 eggs, 40 bags of oats, and 20 litres of milk.
As we dey yan now, Bryne dey 13th for Eliteserien table.
You like this gist abi?
Oya, we go like hear from you. Help us drop small comment for the box below!
Last Updated on August 7, 2025 8:17 am by Hitvibz Media
Stay connected