Former Rivers United midfielder, Morice Chukwu don clear the air say all dis return to NPFL tori na wash, as e don set im eye for international ball matter gidi-gba.
Di 23-year-old yan dis one give Grassroot Legends Media after one preseason match between Port Harcourt Professionals and dem Aba guys for Sharks Stadium—match end 2-2 after Aba boys come back from 2 goals down, na weytin hitvibz dey yan be dat.
“I Don Move On from NPFL”—Morice Chukwu Yarn True Talk
As dem ask am how life don be since e comot Nigeria Premier Football League, Morice no even waste time talk:
“I dey very happy, because man gats dey move; we sabi wetin we dey hustle for. So, I dey very happy say I comot NPFL to face another level.”
Even though the defensive midfielder still dey miss Nigeria league small, e still talk say growth na the koko:
“I miss NPFL, but you know say this our career no dey one place, so you gats play to make name.”
Morice wey help Rivers United win league title after e join from Akwa United in 2021, comot shortly after im contract end.
Why NPFL Don Turn No-Go Area for Morice
Fans fit dey hope make e come back, but Morice don lock that door sharp-sharp say NPFL no dey inside im plans again—at least as player wey still dey active.
“Yes na! I miss Rivers United because before I comot, I don already make name there.”
But when dem ask am direct if e go ever reason return, e give better career-focused answer:
“Maybe if I go return, na when I don finish my career for abroad, because I no fit come back Nigerian league again.”
As dem press am more on why e talk like that, Morice just drop am straight:
“I no fit come back because I sabi wetin make me stay outside country. Maybe na when I wan retire I go even reason NPFL again.”
Since e waka comot Naija, Morice Chukwu don dey play for Tanzania Premier League club Fountain Gate FC—wey later change name to Singida Fountain Gate FC after new people buy am.
Him journey still bend one kind as dem loan am go Tabora United, before e later return to him main club for new season.
At just 23, Morice dey eye to write im name for African football and even go beyond, no be to return to NPFL concern am.right now.
You like this gist abi?
Oya, we go like hear from you. Help us drop small comment for the box below!
Last Updated on August 7, 2025 11:15 am by Hitvibz Media
Stay connected