Akor Adams don officially complete im permanent move from Sevilla FC go Venezia FC, as the Super Eagles striker sign contract wey go keep am for the Italian Serie A club till June 30, 2030.
Venezia confirm the transfer as dem welcome the Nigerian forward join dia long-term project ahead of the new Serie A season, na weytin Hitvibz dey yan be dat.
Akor Adams start fresh Serie A journey with Venezia
Adams, wey dem born for 2000, start im football career for Jamba Academy before e make im professional debut with Norwegian club Sogndal IL for 2018.
For Sogndal, Adams play 56 matches, score 16 goals and give six assists.
Before the 2021/22 season, e move go Lillestrøm SK, where e enjoy one of the best spells of im career, scoring 28 goals and providing seven assists in 50 appearances.
E still feature for UEFA Europa Conference League qualifiers and even score two goals for one match with the club’s second team.
Im fine performances earn am move to French side Montpellier HSC for summer of 2023.
For France, Adams score 13 goals and provide five assists in 49 matches before e join Sevilla FC for January 2025.
During im time for Spain, the Super Eagles striker score 10 goals and provide four assists in 37 appearances before e complete im move to Venezia.
For international football, Adams don represent Nigeria Under-20 and don also play 15 matches for the Super Eagles, scoring six goals.
Adams explain why Venezia project win im heart
After e complete the transfer, Adams talk say na Venezia’s big plans for the future make am decide to join the club.
“I choose to come here because I believe in the big project wey Venezia dey build, and I want help write another beautiful chapter for the club history.”
The Nigerian striker also hail the club fans, saying dia passion and support na something wey really touch am.
“Wetin the fans don build for this special place na something wey dey amazing. Dia energy and passion different.”
Adams reveal say before e join Venezia, e don watch plenty videos of the club matches and e really admire the way the supporters dey stand behind the team.
E add say e believe Venezia deserve to dey Serie A because the fans never stop to support the club through every situation.
“Dem loyal well well, dem get passion, and dem no dey ever stop to support us. I happy say I don become part of this family.”
Venezia also welcome dia newest signing with one short message:
“Welcome to the Orange-Green family, Akor.”
You like this gist abi?
Oya, we go like hear from you. Help us drop small comment for the box below!
Last Updated on July 22, 2026 9:10 pm by Hitvibz Media
Stay connected