Post Views: 20

Akpe Victory don complete im dream move go FC Basel, as the Swiss giants officially announce say dem don sign the talented Nigerian centre-back on top long-term contract wey go last till summer of 2030.

Akpe Victory poses with FC Basel jersey

Di 19-year-old defender leave Hungarian top-flight side Zalaegerszegi TE FC after e impress plenty people with im steady rise for European football, na weytin Hitvibz dey yan be dat.

Akpe Victory Don Climb Sharp Reach FC Basel

Victory journey reach one of Switzerland biggest clubs no be small achievement.

For spring of 2025, di young defender waka enter Europe when e join Lithuanian club FK Banga Gargzdai.

E quickly become one of di first names for di team sheet, play 32 competitive matches and even gather im first international experience during UEFA Conference League qualifiers.

Earlier this year, e move go Hungarian side Zalaegerszegi, and after small time to settle down, e become regular player for central defence.

Akpe Victory unveiled as FC Basel defender

Di 1.95-metre defender play 16 out of 19 possible matches for di club. E also play full 120 minutes for di Hungarian Cup final, but dem miss di trophy after dem concede goal for extra time.

  Precious Benjamin Dey Pursue Breakthrough After Bundesliga Team Hoffenheim Loan am Give Austria Lustenau

Even though plenty clubs show serious interest in am, Akpe finally choose FC Basel, where e sign four-year contract wey go keep am for di club till 2030. E go dey wear jersey number 55.

Victory Dey Eye Trophies After FC Basel Move

After e complete di transfer, di Nigerian defender talk about wetin dey im mind as e prepare for dis new chapter.

“I too happy say I don sign for FCB. Now, wetin I want na to quickly settle down and put all my focus on the new season. I go give everything wey I get for this great club, and I want win as many trophies as possible.

I be the kind player wey dey see every match like final. I dey prepare for am like that, and I go fight for every ball wey dey the game.”

FC Basel Technical Director Andreas Herrmann talk say e get full confidence for Akpe Victory ability.

  Daniel Job Collect Two Assists as E Reach 10 Goal Contributions for Kongsvinger for Dem 8-Goal Thriller

Akpe Victory joins Kazeem Olaigbe at FC Basel

According to Herrmann, di Nigerian defender get power for tackle, dey strong for air, get good pace and sabi read game well. E believe say Akpe go add quality to Basel defence.

Herrmann also explain say Akpe aggressive style of defending go help di team maintain higher defensive line, while e still get plenty room to improve as one of Nigeria brightest young defenders.

Akpe go also join im fellow Nigerian, Kazeem Olaigbe, for Basel. Olaigbe been move come di Swiss club on season-long loan from Turkish Super Lig side Trabzonspor, and Basel come get option to sign am permanently if everything go well.

  Philip Otele Don Design FC Basel With Goals – Fire Two Against Grasshopper

With two Nigerians now inside di Basel squad, fans go dey watch with plenty interest to see wetin dem fit achieve together for dis season.

You like this gist abi?
Oya, we go like hear from you. Help us drop small comment for the box below!

Last Updated on July 8, 2026 10:57 am by Hitvibz Media