Esther Okoronkwo don yan wetin dey really push her as she wan continue to show her best for Super Falcons for WAFCON 2025.
Di Nigerian forward chop Player of the Match award afta Super Falcons knack Tunisia 3–0 for Casablanca on Sunday night, and wetin she talk show why she still dey important for di team, na weytin hitvibz dey report be dat.
Falcons superstar Esther Okoronkwo yan her winning mindset
Okoronkwo enter from bench for halftime come replace Babajide Rinsola, and she quick ginger Falcons attack.
Her sharp passes, smart play and fearless pressing keep Tunisia defence busy throughout di second half for Larbi Zaouli Stadium for Casablanca.
Di AFC Toronto forward dey always scatter Tunisia defence, create chances, win foul and even set up Chinwendu Ihezuo with better assist for Nigeria third goal for 84th minute.
Dem bin dey expect say she go start, but she begin di match for bench.
Even though she nack ball for crossbar for 68th minute and almost score, her presence still change di game — na wetin she talk be dat.
As she yan give CAFonline, Okoronkwo talk say, “E no matter where I start — wetin matter na di impact wey I get for di game.”
Okoronkwo ready to do bigger things for WAFCON 2025
Di 28-year-old forward don already get six goals for 15 matches for Nigeria before di 2025 WAFCON.
Her determination to always deliver, whether she dey start or dey enter from bench, dey make Nigeria fans believe say dem fit carry di cup.
You Like this post abi?
Oya, we go like hear from you abeg. Help us drop small comment for the box below!
Last Updated on July 7, 2025 10:58 am by Hitvibz Media
Stay connected