Kun Khalifat FC don officially waka comot for Nigerian Professional Football League (NPFL), say dem no fit continue inside league wey punishment dey unfair, too harsh, and no clear at all.
Na from one strong statement wey club oga release the matter come out. E confirm say Kun Khalifat don withdraw with immediate effect after NPFL discipline dem because dem no fit honour one league match, na weytin hitvibz dey yan be dat.
Heavy punishment push Kun Khalifat out of NPFL
According to the statement, NPFL slam the Owerri-based club with three points deduction, three goals loss, plus ₦10 million fine. All this na because of one match wey dem miss.
Club talk say the punishment too much, especially as dem submit wetin dem call genuine and reasonable explanation for why dem no play the match.
According to dem, NPFL just reject the explanation anyhow, no clear reason, no transparency.
Kun Khalifat say this one just show say plenty things dey wrong with how NPFL dey handle discipline matter.
Dem accuse league say dem dey quick punish clubs instead of looking fairness, and say dem no dey consider the real struggles wey Nigerian clubs dey face.
Club complain say system no clear, call for serious NPFL reform
The newly promoted club make am clear say dem no take the decision lightly. Dem say dem don try their best to follow NPFL rules, invest money for players, team growth, and infrastructure.
According to the club, to remain inside such system na like supporting league wey dey put money before development and no send the welfare of clubs at all.
Kun Khalifat also urge other NPFL teams make dem stand up demand reform, better accountability, and proper governance for Nigerian football.
Even though dem don withdraw, Kun Khalifat still talk say dem remain committed to Nigerian football.
Dem thank fans, players, and all stakeholders for their support, and confirm say dem dey plan to find other platforms where dem go fit still showcase their talents.
Street no lie: this matter don open big conversation for NPFL governance.
You like this gist abi?
Oya, we go like hear from you. Help us drop small comment for the box below!
Last Updated on February 5, 2026 8:01 am by Hitvibz Media
Stay connected