This year 2026 Nigeria Women Football League (NWFL) Premiership Super Six playoffs don turn to logic o!
Di clash of Angels face-off go favour the new babes for di Super Six, Abia Angels, as dem shock the hosts, Rivers Angels, chop them 1-0 to take collect the matching order and bragging rights for Port Harcourt on Monday, Hitvibz reports.
For the first match of Matchday 2, the Abia girls block the Jewel of Rivers 1-0 inside Adokiye Amiesimaka Stadium. This one na historic win for them as na their first time ever to play for this Super Six tournament.
Abia Angels Shock Rivers Angels For NWFL Super Six Wella
The Garden City girls (Rivers Angels) enter the match with full chest and level after dem beat FC Robo Queens 3-2 for their first match. Meanwhile, Abia Angels bin draw 1-1 with Bayelsa Queens for their own opening game.
The match start small-small because the pitch wet, but Rivers Angels quickly take control and create the first proper chance.
Abia goalkeeper, Fatimah Oloko, run comot her line go use head clear the ball, but the ball go drop give one Rivers Angels player. The player try to lob the ball inside net, but e fly straight pass the crossbar go up.
After some minutes, Rivers Angels clear road create another beta chance again, but Abia keeper just collect the ball easily.
Just four minutes before first half clock 30 minutes, Rivers Angels clear eye down.
One correct cross from the left side locate Winner David where she stand alone inside the box. She just commando the ball with heavy header straight into the roof of the net, beat the keeper completely to give Abia the lead.
Naim be say the Super Six new babes score first, and the jubilation loud well-well.
Winner David Header Give Abia Angels Historic Win
Just one minute after the goal, Abia get another golden chance to double the score, but this time, the ball just touch the side netting comot.
The first half end with Abia Angels holding the 1-0 lead after dem show say dem get levels pass Rivers before the break.
As second half start, Rivers Angels enter with full force to find equalizer, but the visitors’ defense strong like iron, dem refuse to open door.
The two teams get small-small chances for the second half, and Rivers Angels hold ball pass, dem even attack well-well.
But as football be, dem no fit convert their chances. Na so Abia Angels hold the match tight, collect all three points, and now dem don get 4 points from two matches.
You like this gist abi?
Oya, we go like hear from you. Help us drop small comment for the box below!
Last Updated on June 8, 2026 12:52 pm by Hitvibz Media
Stay connected