Rivers Angels oga, Tosan Bob Blankson, yan say him team dey feel small pressure before their Nigeria Women Football League (NWFL) week 2 clash with Naija Ratels, yet em still get confidence say dem don ready to scatter everywhere with goals.

Rivers Angels Wan Start Strong Even After Miss Match Week 1

Blankson tok say di Jewels of Rivers no fit play their first match this season because dem disqualify dia opponents, but e insist say em own team don dey focused well well, na weytin hitvibz dey yan be dat.

“We don ready well for this match, the only wahala be say we no play our first game for week 1,” e yan.

The coach still admit say Naija Ratels get small advantage because dem don play competitive match this season already. Even with that, e believe say him squad dey mentally sharp.

“I sabi say Naija Ratels fit get small edge because dem don play league before, we still dey cool. Pressure dey small for now till game start before we go know wetin to do,” Blankson talk.

Rivers Angels Dey Calm as Blankson Dismiss Last Season Comparisons

Blankson also yan say last season wahala no get value for this new season, because both sides don get new players and fresh vibes.

“Last season don pass. You no fit judge team with old players matter. We get new players this season, make we see as e go be when game start.”

Rivers Angels go host Naija Ratels on Wednesday by 1 pm for Adokiye Amiesimaka Stadium.

The team dey plan to continue their sweet unbeaten record against Naija Ratels, wey include four wins and one draw for their last five clashes.

You like this gist abi?
Oya, we go like hear from you. Help us drop small comment for the box below!

Last Updated on December 2, 2025 7:41 am by Hitvibz Media