Naija striker Muhamed Tijani no waste time at all show him level for Czech First League as e bag him first goal for Sigma Olomouc wey help dem knack Slovan Liberec 2-1.
Di 25-year-old wey Slavia Prague loan give Sigma just enter from bench and na only three minutes later e don burst net—first goal, first impact sharp-sharp, na weytin hitvibz dey yan be dat.
Muhamed Tijani No Carry Last as E Land for Sigma
E be like film trick as Tijani enter di match for 65th minute replace one Daniel Vasulin, and na that minute breeze change.
Score still dey 0-0, but Baba Tijani no dull—former Nigeria U20 baller just catch one chance wey land am goal and ginger di home fans for Andrův stadion. Everywhere burst!
As e just join Olomouc newly wey new owners and sponsors dey package, e don already dey show say him no be anyhow signing.
People dey reason say na key player e go be this season for league and Europe waka.
Naija Boys Carry Torch – Afolabi Hit Net, Ghali Drop Sauce
But no be only Tijani dey para—19-year-old Soliu Afolabi wey dey play for Liberec sef enter come scatter ground. Just seven minutes after e touch pitch, e don score with cool finish.
But make we no lie—na Ahmad Ghali, another Naija blood, wey drop clean assist for am. Ghali eye torch pass torchlight, deliver one better pass wey make Afolabi shine.
Game be like say na 1-1 e go end until Jachym Sip come do strong thing wey give Sigma Olomouc 94th-minute winner. Wahala for who no watch that match!
With two wins and one draw from their first three games, Sigma Olomouc dey fly—and Tijani don start him journey with correct vibes.
You like this gist abi?
Oya, we go like hear from you. Help us drop small comment for the box below!
Last Updated on August 3, 2025 8:21 am by Hitvibz Media
Stay connected