Post Views: 49

Things soft for our Naija ballers dis weekend as many Super Eagles and Super Falcons stars lift league trophy for different side for Europe. Some oddas sef don dey close to promote go big league.

Zaidu Sanusi celebrating his 150th appearance for FC Porto in European competition

Naija ballers Zaidu and Moffi Rule Portugal

Super Eagles stars Zaidu Sanusi and Terem Moffi join body celebrate as FC Porto carry the Portuguese league title. Porto win Alverca 1-0 for house take confirm say the cup na their own.

Porto really show power dis season. Dem win 27 matches, draw four, and na only one dem lose. Dem score 64 goals and na only 15 enter their net.

As e be so, dem don get 85 points even though two matches still remain to play. The boys really try.

Terem Moffi celebrates assist in FC Porto clash

Sanusi follow for the flex as he get one goal and one assist for 17 matches, while Moffi sef get one goal and one assist for the nine matches wey he play.

  Samuel Chukwueze Give Second Assist, Help Fulham Knock Tottenham, Shine as MOTM

Super Falcons Babajide & Oladipo Carry Italy Serie A Cup

For Italy, Rinsola Babajide and Shukurat Oladipo make history with AS Roma Women. Dem carry the Serie A Femminile title after dem wire Ternana 2-0.

Naija ballers Babajide and Oladipo lifting Serie A Women trophy with Roma

Dis one na the third time wey Roma dey carry the cup, and na the first time for our Naija babes as dem just join the club dis season.

Babajide score two goals and give one assist, while Oladipo sef hold her side well to make sure say the team remain for top.

  Esther Okoronkwo Carry WAFCON Fire Enter NSL, Scatter Montreal Roses for AFC Toronto Win

Uzoho Win for Cyprus, Ajayi dey Eye Premier League

For Cyprus, Francis Uzoho and his club, AC Omonia, celebrate as dem win league title after dem beat Aris Limassol 3-0.

Francis Uzoho celebrating AC Omonia league victory

Omonia finish the season with 77 points. Dem win 24 matches, draw five, and lose three. The team sharp well-well because dem score 77 goals and na only 21 dem allow enter their post.

Meanwhile, for England, Semi Ajayi help Hull City enter the EFL Championship playoffs. Dem come from back beat Norwich City 2-1 to finish for 6th position.

Semi Ajayi in action during Hull City playoff push

Hull City dey find way go back to Premier League—dem neva reach there since 2016–17 season. If dem fit win the playoffs, e go be big levels for the club.

  Ex-Super Eagles Baller Yan Say Rivers United “Park Bus” Against El-Kanemi Warriors
You like this gist abi?
Oya, we go like hear from you. Help us drop small comment for the box below!

Last Updated on May 3, 2026 12:02 pm by Hitvibz Media