Kwara United don jam gbege for NPFL after tori say security no gree, and fans carry wahala enter during their Matchday 22 game wey happen February 18, 2026, for Kwara State Stadium, Ilorin.
Na heavy fine, point waka, plus dem go move home matches na wetin NPFL don put for dem, na weytin hitvibz dey yan be dat.
Kwara United Don Chop Big Fine Over Fans Wahala and Security Palava
NPFL don hala at Kwara United because dem no set security proper, wey make anybody fit waka enter where e no suppose enter for the match.
Na so fans dem run gbege, dey harass people, even injure match officials and Rivers United staff.
Because of all these, NPFL don dey eye Kwara United well-well.
Dem don carry N9 million fine give Kwara United, wey dem break am like this: N3 million for bad security and fans palava, N3 million for beating people and behaving anyhow, and N3 million for holding officials like hostage plus compensation.
Points Waka and Home Ground Change for Kwara
No be only money wahala dey, Ilorin boys go still lose three points plus three goals from their total because of how dem take run attack on match officials.
Dem go also gree play their remaining home matches for MKO Abiola Sports Arena for Abeokuta.
NPFL don tell Kwara United make dem show the people wey fans wey cause gbege so police fit run arrest dem.
Dem get 48 hours from the notice to fight the sanction if dem wan appeal. All dis na to make league proper and safe for everybody wey dey play match.
You like this gist abi?
Oya, we go like hear from you. Help us drop small comment for the box below!
Last Updated on February 19, 2026 12:25 pm by Hitvibz Media
Stay connected