Oyigbo Market Shops: LG Chairman Don Order Action As People Turn Public Facilities to Private Stores 

Oyigbo market shops don enter Chairman Okechukwu Akara Nwaogu radar after e discover say some public facilities for Eke Oyigbo Market don turn to private shops.

The Executive Chairman of Oyigbo Local Government Area see the development when e visit the market after inspecting the ongoing work for the new Oyigbo Modern Motor Park wey im administration dey build, na weytin Hitvibz dey yan be dat.

Oyigbo Market Shops Catch Chairman Akara Attention

For Eke Oyigbo Market, the Market Master, Mr. Precious Adiele, carry the Chairman waka round the market and show am some public structures wey people don change from wetin dem suppose use am for.

One of the things wey really vex the Chairman na public toilet wey some traders don convert to shops.

Akara no happy with wetin e see, so e quickly tell the Chairman of Revenue, wey dey among the people wey follow am, make e serve the people involved notices to quit.

E also order make dem return the affected public facilities back to the original purpose wey dem build am for.

The Chairman make am clear say public facilities suppose remain available for everybody wey dey use the market, instead of allowing individuals to take over the spaces for personal business.

Akara Orders Action As Public Facilities Turn Private Shops

The Chairman also use the opportunity to talk to the traders about keeping the market clean.

Em beg all of dem say make dem work together with the Sanitation Committee to make sure say everywhere for the market dey clean and healthy.

Akara also tell traders and other people wey dey use the market say if dem notice anybody wey wan take public space or facility use am for private business, make dem report the person immediately.

According to am, any facility wey government provide for public use suppose remain accessible to everybody wey need am.

Before e reach the market, Akara don already inspect the ongoing construction of the Oyigbo Modern Motor Park.

During the inspection, e check the quality of the work and how far the construction don go, while stressing the need for the project to produce a modern and durable motor park wey people for Oyigbo go fit use.

The activities show say the council dey focus on infrastructure development, protection of public property, proper sanitation and better organisation of Oyigbo LGA.

Last Updated on October 6, 2026 4:05 pm by Hitvibz Media