Rivers Angels head coach, Tosan Blankson, don tell everybody make dem no hype this derby matter too much as dem prepare for Matchday 4 clash against Ibom Angels for Nigeria Women’s Football League (NWFL).
According to am, no be sentiment or “na our neighbour” gist go decide the match on Wednesday for Port Harcourt—na preparation, full stop, na weytin hitvibz dey yan be dat.
Rivers Angels dey lock in as Ibom Angels land Port Harcourt
This one go be the first South-South derby of the season, as Jewels of Rivers go welcome Ibom Angels come Adokiye Amiesimaka Stadium.
Kick-off na 4pm sharp, no African time. Football lovers don set table already.
Blankson talk say every match get him own wahala, but make nobody think say Rivers Angels no ready.
E say, “Whether na South-South, South-West or South-East, match na match. All I know be say one team dey come from Uyo come play us, and we don prepare for dem.”
The PH Angels oga also yarn say the way the girls dey play recently don ginger am well well ahead of the midweek showdown.
“Every match dey tough, but with how the girls dey play now, we go definitely win on Wednesday,” di coach talk
Rivers Angels don sharpen teeth before derby whistle blow
For their last match against Pacesetter Queens for Ibadan, Garden City ladies create chances like pure water sachet—but dem no drink all. Still, Blankson say the signs sweet, especially for attack.
“I thank God say dem dey create chances. If dem no dey create at all, na another wahala be that. Dem dey create chances; na to convert am remain.
Since we come back, we don dey work on am for training, and we go still dey work and work,” Blankson talk.
The coach also hail fans make dem full stadium like Sunday service and continue the support wey dem dey give.
“Make dem come support us the way dem dey do. Wetin I fit assure dem be say we go beat the Angels, but the scoreline? I never see am for dream yet.” Coach talk.
As dem enter this fixture, Rivers Angels dey carry bragging rights. Last season, dem beat Ibom Angels twice—2–1 for Port Harcourt and 1–0 for Uyo.
History dey nod head, but football sabi humble anybody. Wednesday go tell.
You like this gist abi?
Oya, we go like hear from you. Help us drop small comment for the box below!
Last Updated on December 17, 2025 7:04 am by Hitvibz Media
Stay connected