Post Views: 15

Rivers United don quickly put dia CAF Champions League wahala behind dem as dem return to NPFL action and beat Warri Wolves 2-0 for Adokiye Amiesimaka Stadium on Wednesday evening.

The win mean say the Pride of Rivers don start the new Nigeria Premier Football League season with two wins from two matches, na weytin Hitvibz dey yan be dat.

After FC San Pedro knock dem out of CAF competition, even though Rivers United fight back to draw the second leg 2-2, Finidi George boys no waste time before dem shift attention back to league football. And for dia home ground again, dem give dia supporters another reason to smile.

With this victory, Finidi George and him boys don win dia first two NPFL games, and both wins don come for home.

Shehu Dabai Don Strike Again as Warri Wolves Suffer Another Blow

The game start on a balanced note, as both sides dey struggle to take full control during the first 10 minutes.

Rivers United come close for the first serious chance for 14th minute when Wasiu Falolu collect ball from Shehu Dabai and test the Wolves goalkeeper, but the keeper no get problem grabbing the effort.

Eight minutes later, the home boys finally break the deadlock.

  Rivers United Oga React to Niger Tornadoes Wahala: "Na Continental Football We Dey Pay For"

Ochobi Elias join body for one fine attacking move before him find Dabai inside the box. The midfielder no need more than one touch as he calmly put the ball beyond the goalkeeper to send the Port Harcourt boys 1-0 up.

For Dabai, na another big moment for wetin don already be very sharp start to the league season.

The midfielder don now score for two league games back-to-back, after he also open scoring against Plateau United for Rivers United first match of the season.

And make we talk am as e be: Dabai don score the first goal for both NPFL matches wey the Pride of Rivers don play this season.

Warri Wolves try find way back into the game after conceding, but dem no really fit trouble the home side enough. Rivers United too get some chances but dem no add another goal before halftime.

So, both teams enter dressing room with Rivers United holding tight 1-0 lead.

Chinemerem Ugwueze Burst Enter with Dream Debut for Rivers United

Second half come with more tight football, but the home side still dey control plenty of the action as dem continue to search for the goal wey go give dem more breathing space.

  "I get big things" — Rivers United baller Iyowuna Douglas talk as e enjoy two assists vs Insurance

That second goal finally land for 75th minute, and na player wey just enter the pitch come deliver am.

Chinemerem Ugwueze replace Falolu for 68th minute, and only seven minutes later, the new boy don already make people notice am.

Ochobi Elias show again, as he burst down the right wing before sending one sweet low cross enter the penalty area.

Ugwueze time him run well-well and reach the right spot at the right time before him fire first-time finish into the net to make am 2-0.

Na dream start for the substitute, as e take am only about seven minutes for pitch before him score him first goal for the Finidi George-led side.

Warri Wolves nearly reduce the deficit shortly after when one of dia efforts hit the crossbar, but Rivers United defenders react sharp-sharp and clear the danger.

That one turn out to be Wolves’ best chance to come back into the match, as the Pride of Rivers manage the remaining minutes well and hold on to collect another three points.

  Who Fit Stop Dem? Wikki Tourists, Barau FC, Kun khalifat & Warri Wolves Don Land for NPFL

For Finidi and him boys, the early league record no hard to understand: two NPFL games, two wins and six points — with both victories coming for home.

The Garden City boys go now turn dia attention to dia next assignment, away against Nasarawa United.

The result also continue Rivers United strong recent record against Warri Wolves. For dia last nine meetings, the Pride of Rivers don win seven times, while Wolves don carry two wins. No draw enter the matter.

During that run, Rivers United don score 14 goals, while Warri Wolves don find the net six times.

After this latest victory, Rivers United dey third position for the NPFL table with six points, while Warri Wolves dey 19th with zero points from dia first two matches.

Last Updated on September 16, 2026 9:23 pm by Hitvibz Media