Simy Nwankwo dey burst fire for now. Naija forward don knack goal again as e carry Al Orobah waka comot with tough away win over Al Jubail for Saudi First Division League Monday night.
Di Super Eagles baller wey people don forget tey tey, don turn top Naija scorer for anywhere for world now, na weytin hitvibz dey yan be dat.
Simy Nwankwo Dey Scatter Goals Non-Stop
E score Al-Orobah crucial second goal wey help visitors chop 3–2 win for Prince Nayef bin Abdul Aziz Stadium.
Match sweet die, but all the gbege land for stoppage time — plus some extra wahala.
The 33-year-old striker don jam 18 goals in just 15 matches this season, and e no dey show sign of slowing down.
Al Orobah start well, as Ayman Al Hujaili knack first goal for 19th minute to put dem 1–0 up. Early control for visitors.
Al Jubail try push back, but dem enter half-time still dey behind. But second half wahala don start 7 minutes in.
Roberto Dias show correct timing, finish well-worked move after Ousseynou Thioune give clever assist — game level 1–1.
From here, tension, nerves, plus plenty added time full ground.
Stoppage-Time Wahala Make Al-Orobah Chop Win
Deep for stoppage time, Al-Orobah win penalty for 97th minute. Simy waka step up, calm as ice, knack am make e 2–1.
Few minutes later, 11 minutes into extra time, Darwin González fire another one, stretch lead 3–1. E be like say matter don clear.
But Al Jubail no gree.
Two minutes later, Fayçal Fajr pull one back, hearts dey race, everybody dey check watch. But miracle no fit happen again.
Al-Orobah hold ground, celebrate dramatic away win.
This win push Simy and him guys reach fourth place for Saudi First Division table with 43 points, as dem dey prepare for Saturday clash against Al Adalah.
You like this gist abi?
Oya, we go like hear from you. Help us drop small comment for the box below!
Last Updated on February 10, 2026 12:23 pm by Hitvibz Media
Stay connected