Super Eagles striker Victor Osimhen carry the bragging right after e face him fellow naija boy Wilfred Ndidi for Super Eagles derby for Turkish Super Lig on Saturday.
Osimhen score the only goal of the match as league leaders Galatasaray manage grab narrow 1–0 win over Besiktas for the Istanbul Derby wey happen for Tupras Stadyumu, na weytin hitvibz dey yan be dat.
Victor Osimhen na em win di Istanbul Derby with better header
The 27-year-old striker don now record 11 goals and four assists for Turkish Super Lig this season.
E don carry him total goal contribution reach 22 for the campaign, as e still score seven goals for Champions League.
The Nigerian international don now score for three straight matches, after e score against Juventus for Champions League and another one against Alanyaspor for their last Super Lig match.
For the Round 25 clash, na just six minutes before half-time the Nigerian striker take put the visitors for front.
Galatasaray grab seat belt even as dem chop red card
Leroy Sane give better lofted pass enter the box for Osimhen, wey jump pass the defender come head powerful ball enter the right side of the net, give him team small lead before dem enter break.
Seventeen minutes after second half start, Leroy Sane make one rough tackle on him opponent and the referee send am comot, come reduce the visitors to ten players.
But, di defending champions hold that small lead well-well to secure the win and carry all three points, as dem dey gather momentum for their Champions League game with Liverpool on Tuesday.
You like this gist abi?
Oya, we go like hear from you. Help us drop small comment for the box below!
Last Updated on March 7, 2026 9:08 pm by Hitvibz Media
Stay connected