As the new NWSL season dey draw near, two Nigerian stars — Michelle Alozie and Chioma Okafor — don take centre stage for big kit launches for United States.
Alozie help introduce Chicago Stars FC new home jersey, while Okafor play important role as North Carolina Courage unveil their latest strip as excitement dey build before the new season start, na weytin hitvibz dey yan be dat.
Michelle Alozie lead Chicago Stars “Chicago DNA” kit launch
Nigeria international Michelle Alozie stand for front when Chicago Stars FC officially show their new home jersey, wey dem call the “Chicago DNA” kit.
The defender proudly model the new design during the club launch event, as she hold Nigerian flag — one moment wey touch fans for Chicago and even people for Nigeria.
The new jersey celebrate the identity of the city. Chicago Stars explain say the design take inspiration from Chicago famous architecture, mix bold design elements with patterns wey resemble the well-known skyline.
According to the club, the “Chicago DNA” kit still represent the character of the city — showing the grit, resilience and strong community spirit wey define Chicago.
Dem go wear the new home strip throughout the coming NWSL season as Chicago Stars dey hope build momentum and make strong push for the league campaign.
Okafor dey look forward to strong 2026 season after Courage kit reveal
For another side, Chioma Okafor also play key role for the launch of North Carolina Courage new home kit ahead of the 2026 season.
The Super Falcons forward appear for the club promotional shoot, confidently model the new jersey while she pose with one leg on top football as the countdown to their home opener continue.
As the new season dey come closer, Okafor make am clear say she dey eager to feel the special atmosphere wey dey come with the start of the campaign.
“I can’t wait to experience the vibrant stadium and feel that home-opener energy with our fans,” she said.
With Michelle Alozie and Chioma Okafor both involved for big kit reveals, Nigerian players continue to shine across the NWSL as the new season dey approach.
You like this gist abi?
Oya, we go like hear from you. Help us drop small comment for the box below!
Last Updated on March 8, 2026 7:46 am by Hitvibz Media
Stay connected