As Calvin Bassey no dey start Fulham games again dis days, e don dey make plenty fans and Nigerians dey wonder wetin really dey occur for dat club head.
After him come back from 2025 AFCON with Nigeria, everybody expect say the Super Eagles defender go enter straight back into Fulham starting XI, na weytin hitvibz dey yan be dat.
Calvin Bassey position before and after AFCON
Instead, Fulham coach Marco Silva decide to stick with Jorge Cuenca, and that decision don turn big talk for inside the club.
Before AFCON 2025, Bassey na one of Fulham most trusted players. For the past two seasons, the guy don grow into correct defensive leader, even collect Fulham Player of the Season award last year.
Early this season, Bassey and Joachim Andersen form solid centre-back partnership, help Fulham remain competitive for Premier League.
When Bassey waka go Morocco to represent Super Eagles for AFCON, people fear say Fulham defence go scatter without am.
But that fear no happen at all. The Cottagers even dey enjoy better form, as Jorge Cuenca step in calmly and play well alongside Andersen.
Since Bassey return late January, he never start any league match. Against Brighton, he siddon bench from start to finish. For the Manchester United game, na just five minutes he see.
When journalists ask Marco Silva about the Nigerian international matter, the coach make am clear say na form dey decide, no be name or reputation.
Why Marco Silva bench Bassey
The Cottagers coach praise Bassey well well, talk say him impact for the club big, but still insist say Cuenca don earn him spot through consistent performances.
Silva talk say competition inside the squad important, and Cuenca sabi the kind player wey he dey compete with.
“I be the first person wey dey praise Calvin impact for this club, correct centre-back with huge potential. Cuenca don step up and show him quality. Na competition, and Cuenca sabi the pro wey he dey face,” Silva talk, as Jack Kelly quote am.
As Fulham dey prepare to face Everton for Craven Cottage, nobody sure if Silva go still stick with Cuenca or bring Bassey back into the starting XI.
One thing clear be say Bassey quality and experience still make am very important player for the club.
As the season dey go, many people believe say the Super Eagles defender go soon collect him regular starting shirt back.
You like this gist abi?
Oya, we go like hear from you. Help us drop small comment for the box below!
Last Updated on February 7, 2026 8:15 am by Hitvibz Media
Stay connected