Igwuruta community for Ikwerre LGA of Rivers State don hot as youths carry protest enter street over serious security wahala for the area.
The Igwuruta protest start after fresh k!llings and kidnapping cases wey don shake residents and cause fear for the area, na weytin hitvibz dey yan be dat.
Igwuruta Protest Rocks Rivers State Over Security Concerns
According to information wey dey circulate online, “Right now, di youths for Igwuruta don carry protest come dey fight against di people wey dem dey call ‘Aboki’ wey don dey waka come their area.
Dis wahala come because of all di recent kidnappings and k!llings wey don happen, wey don make security matter serious for here.”
The Igwuruta protest gather pace as indigenes and residents cry out say dem no fit continue to live under fear again.
Security concerns don become major issue for families and business owners wey dey the area.
Another report talk say, “People wey dey Igwuruta for Ikwerre LGA Rivers State don dey protest over how dem k!ll one youth leader and the wahala wey some Northern youths dey cause for the area.”
Residents say the matter no be only about one incident but about repeated tension wey don build up over time.
“Aboki Must Go” – Igwuruta Youths Demand Government Intervention
For inside the peaceful Igwuruta protest, youths, women and elders join body to send strong message. As one detailed post describe am:
“E dey happen for Igwuruta, Ikwerre local government area for Rivers, where youths, women and elders don carry peaceful protest go out dey shout say ‘Aboki must comot’, no more Fulani, no more Aboki wey dey do Okada.
Na because one young fine boy dem k!ll, na Aboki man do am. Igwuruta don dey tolerate dem well well, dem dey tear community electricity, carry cables comot, dey harass our mothers, dey destroy our farm crops and gbege anyhow. Na why we dey call state government make dem run come rescue us.”
The protest for Rivers State remain peaceful but emotional, as community members dey demand urgent action from authorities.
Many residents dey insist say government must come address the insecurity, kidnapping and k!llings matter wey dey threaten Igwuruta community.
As tension still dey high, people dey watch to see how Rivers State government go respond to the Igwuruta protest and the growing security concerns.
You like this gist abi?
Oya, we go like hear from you. Help us drop small comment for the box below!
Last Updated on February 12, 2026 10:47 am by Hitvibz Media
Stay connected